Rashmika Mandanna: మైండ్‌ బ్లోయింగ్‌ ఎక్స్‌పీరియన్స్‌ కోసం రెడీగా ఉండండి: రష్మిక మందన్న
- 'పుష్ప-2' కోసం డబ్బింగ్‌ చెబుతున్న రష్మిక
- ఫస్ట్‌ హాఫ్‌కు మించిన విధంగా సెకండాఫ్‌ అంటోన్న శ్రీవల్లి
- వైరల్‌ అవుతున్న రష్మిక ఇన్‌స్టా పోస్ట్‌
అల్లు అర్జున్‌-సుకుమార్‌ కలయికలో రూపొందిన 'పుష్ప' ది రైజ్‌ చిత్రంలో శ్రీవల్లిగా మెస్మరైజ్‌ చేసిన అందాల భామ రష్మిక మందన్న, మళ్లీ ఇదే కాంబినేషన్‌లో తెరకెక్కుతోన్న 'పుష్ప-2' ది రూల్‌ చిత్రంలోనూ శ్రీవల్లిగా మరోసారి ప్రేక్షకులను అలరించనుంది.
తొలిసారిగా రష్మిక 'పుష్ప-2' ది రూల్‌ చిత్రం ఎలా ఉండబోతుందో సోషల్‌ మీడియా వేదిక తన మనసులోని భావాలను పంచుకుంది. ఆమె శ్రీవల్లి పాత్రకు డబ్బింగ్‌ చెబుతున్న ఓ ఫోటోను తన ఇన్‌స్టా అకౌంట్‌లో షేర్‌ చేసింది. ''ఇప్పటికే పుష్ప-2 ఫస్ట్‌ హాఫ్‌ చూశాను. అమేజింగ్‌... ఇక సెకండాఫ్‌ కూడా డబ్బింగ్‌లో చూస్తుంటే ఫస్ట్‌ హాఫ్‌ ను మించిపోయేలా అనిపిస్తుంది.
సినిమా గురించి చెప్పడానికి, ఆ ఎక్స్‌పీరియన్స్‌ గురించి మీతో పంచుకోవడానికి నాకు మాటలు దొరకడం లేదు. మైండ్‌ బ్లోయింగ్‌ ఎక్స్‌పీరియన్స్‌ కోసం మాత్రం అందరూ రెడీగా ఉండండి. తప్పకుండా మీరు ఓ గొప్ప థియేట్రికల్‌ ఎక్స్‌పీరియన్స్‌ను 'పుష్ప-2' ద్వారా పొందుతారు'' అంటూ తన సోషల్‌ మీడియాలో రష్మిక పోస్టు చేశారు. ఇప్పుడు ఈ పోస్ట్‌ వైరల్‌గా మారింది.
