Allu Arjun: ఐదేళ్ల పుష్ప ప్రయాణం ముగిసింది: అల్లు అర్జున్
- అల్లు అర్జున్ ప్రధాన పాత్రలో పుష్ప-2: ది రూల్
- డిసెంబరు 5న వరల్డ్ వైడ్ గ్రాండ్ రిలీజ్
- చివరి రోజు.... చివరి షాట్... ఫొటో పంచుకున్న అల్లు అర్జున్
ఐకాన్ స్టార్ అల్లు అర్జున్ డిసెంబరు 5న 'పుష్ప 2: ది రూల్' చిత్రంతో ప్రేక్షకుల ముందుకు వస్తున్నాడు. ఈ నేపథ్యంలో, అల్లు అర్జున్ సోషల్ మీడియాలో ఆసక్తికరంగా స్పందించాడు.
ఐదేళ్ల పుష్ప ప్రయాణం ముగిసిందని వెల్లడించాడు. పుష్పకు సంబంధించి చివరి రోజు... చివరి షాట్... ఎంత అద్భుతమైన ప్రయాణం అని పేర్కొన్నాడు. ఈ మేరకు చిత్రీకరణకు సంబంధించిన ఆన్ లొకేషన్ ఫొటోను కూడా పంచుకున్నాడు.
మైత్రీ మూవీ మేకర్స్ బ్యానర్ పై అల్లు అర్జున్ హీరోగా, సుకుమార్ దర్శకత్వంలో వస్తున్న చిత్రం పుష్ప-2. ప్రస్తుతం ఈ చిత్రం పోస్ట్ ప్రొడక్షన్ పనులు శరవేగంగా సాగుతున్నాయి. ఈ సినిమా సెన్సార్ వర్క్ జరగాల్సి ఉంది. త్వరలోనే ఫైనల్ కాపీ వస్తే సెన్సార్ కు పంపించనున్నారు. పుష్ప-2 చిత్రం ఆరు భాషల్లో ప్రేక్షకుల ముందుకు వస్తోంది.
