హీరో ప్రభాస్ ‘ఈశ్వర్’ రీ రిలీజ్ ట్రైలర్ వచ్చేసింది..!

బాహుబలి చిత్రంతో పాన్‌ ఇండియా స్టార్‌గా ఎదిగిన ప్రభాస్‌ ఇప్పుడు భారతీయ సినీ పరిశ్రమలో వన్‌ ఆఫ్‌ ద టాప్‌ హీరో. ప్రభాస్‌ హీరోగా కెరీర్‌ మొదలుపెట్టిన చిత్రం ఈశ్వర్‌. ఈ చిత్రంతోనే ఈ కథానాయకుడు సినీ పరిశ్రమలోకి అడుగుపెట్టాడు. అయితే ప్రభాస్‌ పుట్టినరోజు సందర్భంగా ఈశ్వర్ మూవీని రీ రిలీజ్ చేయనున్నారు. అక్టోబర్ 23న ఈ చిత్రాన్ని  రిలీజ్ చేయాలని ప్లాన్ చేశారు. ఈ క్రమంలో మూవీ ట్రైలర్‌ను కొత్తగా కట్ చేసి రిలీజ్ చేశారు. రీ ఇంట్రడ్యూసింగ్ ప్రభాస్ అంటూ వదిలిన ఈశ్వర్ ట్రైలర్ ఇప్పుడు అందరినీ ఆకట్టుకుంటోంది.

నీ చేతిలో డబ్బుంటే.. నా ఛాతిలో దమ్ముంది అంటూ ప్రభాస్ చెప్పిన మాస్ డైలాగ్స్, యాక్షన్ సీక్వెన్స్, కామెడీ, రొమాంటిక్ సాంగ్స్ ఇలా అన్నింటినీ ట్రైలర్‌లో పొందు పర్చారు. ఈ మూవీని జయంత్ సీ పరాన్జీ తెరకెక్కించారు. కె. అశోక్ ఈ చిత్రాన్ని నిర్మించారు. ప్రస్తుతం ఈ మూవీని లక్ష్మీ నరసింహా మూవీస్  రీ రిలీజ్‌ చేస్తున్నారు.

అసలే టాలీవుడ్ ఆడియెన్స్ అంతా కూడా రీ రిలీజ్‌లను ఓ పండుగలా సెలెబ్రేట్ చేసుకుంటున్నారు. ఇక ఇప్పుడు ప్రభాస్ బర్త్ డేని కూడా ఈశ్వర్ రీ రిలీజ్‌తో గ్రాండ్‌గా సెలెబ్రేట్ చేసుకునేందుకు డార్లింగ్ ఫ్యాన్స్ రెడీగా ఉన్నారు. అయితే ప్రభాస్‌కి ఇప్పుడు పెరిగిన ఫాలోయింగ్, ఫాలోవర్లకు ఈశ్వర్‌ను థియేటర్లో ఎంజాయ్ చేయలేకపోయారు. అందుకే ఇప్పుడు ప్రభాస్ పాన్ ఇండియన్ ఫాలోయింగ్‌కు తగ్గట్టుగా ఈశ్వర్‌ను రీ రిలీజ్ చేస్తున్నారు. వింటేజ్ ప్రభాస్ మేనియాను డార్లింగ్ ఫ్యాన్స్ అంతా ఇప్పుడు ఈశ్వర్ 4kతో సెలెబ్రేట్ చేసుకోబోతోన్నారు