కొనసాగుతున్న భయాలు.. వరుసగా నాలుగో రోజూ నష్టపోయిన మార్కెట్లు

దేశీయ స్టాక్ మార్కెట్లలో కరోనా భయాల కారణంగా నష్టాల పర్వం కొనసాగుతోంది. వరుసగా నాలుగో రోజు మార్కెట్లు నష్టాలను మూటగట్టుకున్నాయి. ఒకానొక సమయంలో సెన్సెక్స్ 2,155 పాయింట్లు నష్టపోయింది. ఈ రోజు ట్రేడింగ్ ముగిసే సమయానికి సెన్సెక్స్ 581 పాయింట్లు కోల్పోయి 28,288కి పడిపోయింది. నిఫ్టీ 205 పాయింట్లు నష్టపోయి 8,263కు దిగజారింది. ఈ రోజు టెలికాం మినహా అన్ని సూచీలు నష్టాల్లోనే ముగిశాయి.

బీఎస్ఈ సెన్సెక్స్ టాప్ గెయినర్స్:
ఐటీసీ (7.50%), భారతి ఎయిర్ టెల్ (4.39%), కోటక్ మహీంద్రా బ్యాంక్ (2.96%), హీరో మోటోకార్ప్ (2.39%), పవర్ గ్రిడ్ కార్పొరేషన్ ఆఫ్ ఇండియా (2.26%)

టాప్ లూజర్స్:
బజాజ్ ఫైనాన్స్ (-10.24%), మారుతి సుజుకి (-9.85%), యాక్సిస్ బ్యాంక్ (-9.50%), మహీంద్రా అండ్ మహీంద్రా (-9.28%), టెక్ మహీంద్రా (-8.43%).