జోరుగా సాగుతున్న పవన్ -సముద్రఖని మూవీ షూటింగ్!

పవన్ కల్యాణ్ ఒక వైపున 'హరి హర వీరమల్లు' సినిమా షూటింగును సాధ్యమైనంత త్వరగా పూర్తి చేయాలనే ఉద్దేశంతో ఉన్నాడు. మరో వైపున హరీశ్ శంకర్ దర్శకత్వంలో 'ఉస్తాద్ భగత్ సింగ్' సినిమాను ఆరంభించడానికి రెడీ అవుతున్నాడు. ఈ రెండు సినిమాలు మధ్యలోనే తమిళ రీమేకును పూర్తిచేయనున్నట్టుగా సమాచారం. 

తమిళంలో కొంతకాలం క్రితం సముద్రఖని తన దర్శకత్వంలో 'వినోదయ సితం' సినిమాను చేశాడు. ఆ సినిమాలో ఆయన ఒక ముఖ్యమైన పాత్రను పోషించాడు కూడా. ఆ సినిమా అక్కడ మంచి విజయాన్ని సాధించింది. అదే సినిమాను పవన్ - సాయితేజ్ ప్రధాన పాత్రలుగా సముద్రఖని తెలుగులో రీమేక్ చేస్తున్నాడు. 

ఆ సినిమా షూటింగ్ రీసెంట్ గా మొదలైంది. ఈ సినిమా రెగ్యులర్ షూటింగు జోరుగా జరుగుతోంది. అందుకు సంబంధించిన ఫొటోలు సోషల్ మీడియాలో కనిపిస్తున్నాయి. ఈ సినిమా కోసం పవన్ కేటాయించింది 20 రోజులు మాత్రమే. ఈ డేట్స్ లోనే ఆయన పోర్షన్ ను పూర్తిచేసి, ఆ తరువాత సాయితేజ్ సీన్స్ పై దృష్టిపెట్టనున్నట్టుగా తెలుస్తోంది.