Junior Panchayat Secretaries: జూనియర్ పంచాయతీ కార్యదర్శుల వేతనాన్ని భారీగా పెంచిన తెలంగాణ సర్కారు

• పంచాయతీ కార్యదర్శులకు శుభవార్త
• ఇప్పటివరకు వేతనం రూ.15 వేలు
• ఇక నుంచి రూ.28,719కి పెంపు
• జులై 1 నుంచి వేతన పెంపు వర్తింపు

---

తెలంగాణ ప్రభుత్వం జూనియర్ పంచాయతీ కార్యదర్శులకు తీపి కబురు అందించింది. జూనియర్ పంచాయతీ కార్యదర్శుల గౌరవ వేతనాన్ని రూ.15 వేల నుంచి రూ.28,719కి పెంచుతూ నిర్ణయం తీసుకుంది. ఈ మేరకు పంచాయతీ రాజ్ శాఖ నేడు ఉత్తర్వులు జారీ చేసింది.

ఈ వేతన పెంపు జులై 1 నుంచి వర్తింపజేస్తారని ప్రభుత్వం వెల్లడించింది. అంతేకాదు, జూనియర్ పంచాయతీ కార్యదర్శుల అగ్రిమెంట్ గడువును మూడేళ్ల నుంచి నాలుగేళ్లకు పొడిగించింది.