విజయవాడ వద్ద ప్రైవేటు బస్సు నిర్వాకం.. ప్రయాణికులకు తీవ్ర అవస్థలు
- హైదరాబాద్ నుంచి పాలకొల్లు వెళ్తున్న బస్సులో ఘటన
- డీజిల్ అయిపోయిందంటూ ప్రయాణికులను వదిలేసిన డ్రైవర్
- విజయవాడ సమీపంలోని ఇబ్రహీంపట్నం వద్ద ప్రయాణికుల అవస్థలు
- యాజమాన్యం స్పందించకపోవడంతో పోలీసులకు ఫిర్యాదు చేసిన బాధితులు
వివరాల్లోకి వెళితే, హైదరాబాద్ నుంచి బయలుదేరిన బస్సు ఇబ్రహీంపట్నం చేరుకోగానే డ్రైవర్ ఈ నిర్వాకానికి పాల్పడ్డాడు. అనంతరం తన మొబైల్ ఫోన్ స్విచాఫ్ చేసుకున్నాడని ప్రయాణికులు తెలిపారు. దీంతో దిక్కుతోచని స్థితిలో ఉన్న వారు, ప్రత్యామ్నాయం కోసం ట్రావెల్స్ యాజమాన్యానికి ఫోన్ చేసినా వారి నుంచి ఎలాంటి స్పందన రాలేదు.
యాజమాన్యం తీరుతో విసిగిపోయిన బాధితులు చివరకు పోలీసులను ఆశ్రయించారు. ప్రయాణికుల ఫిర్యాదు మేరకు ఘటనా స్థలానికి చేరుకున్న పోలీసులు, వారి నుంచి వివరాలు సేకరించి విచారణ చేపట్టారు.
