'ది ప్యామిలీ మెన్‌-2'పై ముదురుతున్న వివాదం.. భారతీరాజా హెచ్చరిక
- శ్రీ‌లంక తమిళ యువతిగా న‌టించిన సామ్‌
- నెగెటివ్ పాత్ర‌లో క‌న‌ప‌డిన వైనం
- నిషేధం విధించాల‌న్న భారతీరాజా
- లేదంటే అమెజాన్‌పై పోరాటం చేస్తామ‌ని హెచ్చరిక
హీరోయిన్ సమంత న‌టించిన 'ది ప్యామిలీ మెన్‌-2' వెబ్ సిరీస్‌పై వివాదాలు రాజుకుంటున్నాయి. త‌మిళ‌నాడులో ప‌లువురు ప్ర‌ముఖులు కూడా ఆగ్ర‌హం వ్య‌క్తం చేస్తున్నారు. శ్రీలంకకు చెందిన తమిళ యువతిగా ఈ వెబ్ సిరీస్ లో సమంత న‌టించింది. ఇందులో ఆమె యాక్షన్ దృశ్యాలలో కూడా కనిపిస్తుంది.
అయితే, ఆమె తమిళ యువతిగా నెగెటివ్ రోల్‌లో న‌టించ‌డం ప‌ట్ల త‌మిళ‌నాడు ప్ర‌జ‌లు మండిప‌డున్నారు. ఈ వెబ్ సిరీస్‌ను నిషేధించాలని కేంద్ర ప్రభుత్వానికి ఆ రాష్ట్ర స‌ర్కారుతో పలు రాజకీయ పార్టీలు విజ్ఞప్తి చేశాయి. అయిన‌ప్ప‌టికీ ఈ వెబ్ సిరీస్ ఈ నెల 4 నుంచి అమెజాన్‌ ప్రైమ్‌ ఓటీటీలో న‌డుస్తోంది. ఈ విష‌యంపై తాజాగా సీనియర్‌ దర్శకుడు భారతీరాజా కూడా మండిప‌డ్డారు.
తమిళ జాతికి వ్యతిరేకంగా 'ది ఫ్యామిలీ మెన్‌ 2' వెబ్ సిరీస్ రూపొందింద‌ని, దాన్ని ప్రసారం చేయకూడద‌ని విజ్ఞప్తి చేసినప్పటికీ కేంద్ర ప్రభుత్వం ప‌ట్టించుకోకపోవ‌డం బాధాకరమని ఆయ‌న ఓ ప్ర‌క‌ట‌న విడుదల చేశారు. ఈ వెబ్ సిరీస్‌ను తమిళ ద్రోహులు రూపొందించార‌ని అన్నారు. ఇప్పటికైనా కేంద్రం స్పందించి నిషేధం విధించాలని ఆయ‌న డిమాండ్ చేశారు. లేదంటే తాము అమెజాన్‌ సంస్థపై పోరాటం చేయడానికి కూడా వెనుకాడబోమని స్ప‌ష్టం చేశారు.
అయితే, ఆమె తమిళ యువతిగా నెగెటివ్ రోల్‌లో న‌టించ‌డం ప‌ట్ల త‌మిళ‌నాడు ప్ర‌జ‌లు మండిప‌డున్నారు. ఈ వెబ్ సిరీస్‌ను నిషేధించాలని కేంద్ర ప్రభుత్వానికి ఆ రాష్ట్ర స‌ర్కారుతో పలు రాజకీయ పార్టీలు విజ్ఞప్తి చేశాయి. అయిన‌ప్ప‌టికీ ఈ వెబ్ సిరీస్ ఈ నెల 4 నుంచి అమెజాన్‌ ప్రైమ్‌ ఓటీటీలో న‌డుస్తోంది. ఈ విష‌యంపై తాజాగా సీనియర్‌ దర్శకుడు భారతీరాజా కూడా మండిప‌డ్డారు.
తమిళ జాతికి వ్యతిరేకంగా 'ది ఫ్యామిలీ మెన్‌ 2' వెబ్ సిరీస్ రూపొందింద‌ని, దాన్ని ప్రసారం చేయకూడద‌ని విజ్ఞప్తి చేసినప్పటికీ కేంద్ర ప్రభుత్వం ప‌ట్టించుకోకపోవ‌డం బాధాకరమని ఆయ‌న ఓ ప్ర‌క‌ట‌న విడుదల చేశారు. ఈ వెబ్ సిరీస్‌ను తమిళ ద్రోహులు రూపొందించార‌ని అన్నారు. ఇప్పటికైనా కేంద్రం స్పందించి నిషేధం విధించాలని ఆయ‌న డిమాండ్ చేశారు. లేదంటే తాము అమెజాన్‌ సంస్థపై పోరాటం చేయడానికి కూడా వెనుకాడబోమని స్ప‌ష్టం చేశారు.