శ‌ర్వానంద్ కొత్త సినిమాకు ప‌వ‌ర్‌ఫుల్ టైటిల్‌.. ఆస‌క్తిక‌ర వీడియోతో రివీల్ చేసిన మేక‌ర్స్‌!

టాలీవుడ్ యంగ్ హీరో శ‌ర్వానంద్‌, ప్ర‌ముఖ ద‌ర్శ‌కుడు సంప‌త్ నంది కాంబినేష‌న్‌లో ఒక మూవీ రానున్న విష‌యం తెలిసిందే. శ‌ర్వా న‌టిస్తున్న 38వ చిత్రం ఇది. తాజాగా మేక‌ర్స్ ఈ మూవీ టైటిల్‌ను ఓ ఆస‌క్తిక‌ర వీడియో ద్వారా రివీల్ చేశారు. ఈ సినిమాకు 'భోగి' అనే ప‌వ‌ర్‌ఫుల్ టైటిల్ పెట్టారు. 

"ప్రతి రక్తపు బొట్టుకూ ఒక కారణం ఉంటుంది. ప్రతి పండుగకూ ఒక ఉద్దేశం ఉంటుంది" అనే ఇంట్రెస్టింగ్‌ క్యాప్ష‌న్‌తో ఈ టైటిల్ రివీల్ వీడియోను విడుద‌ల చేశారు. అలాగే ఈరోజు నుంచే ఈ భారీ ప్రాజెక్ట్ షూటింగ్ మొదలు పెట్టిన‌ట్టు మేక‌ర్స్ ప్ర‌క‌టించారు.  

కాగా, 1960లో తెలంగాణ మ‌హారాష్ట్ర బార్డ‌ర్‌లో జ‌రిగే పీరియాడిక్ యాక్ష‌న్ డ్రామాగా ఈ చిత్రం రాబోతోందని తెలుస్తోంది. ఈ మూవీని ప్ర‌ముఖ నిర్మాణ సంస్థ శ్రీస‌త్య‌సాయి ఆర్ట్స్ బ్యాన‌ర్ నిర్మిస్తోంది. శ‌ర్వా స‌ర‌స‌న అనుప‌మ ప‌రమేశ్వ‌ర‌న్‌, డింపుల్ హ‌యాతీ క‌థానాయిక‌లుగా న‌టిస్తున్నారు.