భారత సైన్యంలో మేజర్‌గా పనిచేసి, ప్రస్తుతం ఐఏఎస్ అకాడమీ డైరెక్టర్‌గా సేవలు అందిస్తున్న ఎస్‌పీ‌ఎస్ ఒబెరాయ్ ఇటీవల సింగపూర్‌లో పర్యటించారు. అక్టోబర్ 17 నుంచి 19 వరకు మూడు రోజుల పాటు సాగిన ఈ పర్యటనలో ఆయనకు అక్కడి తెలుగు వారి నుంచి అపూర్వమైన, ఆత్మీయ స్వాగతం లభించింది. దసరా పండుగ సందర్భంగా జరిగిన ఈ పర్యటన స్నేహపూర్వక సమావేశాలు, సాంస్కృతిక కార్యక్రమాలతో ఆహ్లాదభరితంగా సాగింది.
పర్యటనలో భాగంగా అక్టోబర్ 17న తెలంగాణ కల్చరల్ సొసైటీ ఆధ్వర్యంలో నిర్వహించిన బతుకమ్మ సంబరాల్లో ఒబెరాయ్ ఉత్సాహంగా పాల్గొన్నారు. విదేశాల్లోనూ తెలుగు సంస్కృతి, సంప్రదాయాలు ఉట్టిపడేలా జరిగిన ఈ వేడుకల్లో పాల్గొనడం తనకు ప్రత్యేక అనుభూతినిచ్చిందని ఆయన పేర్కొన్నారు.
ఈ పర్యటనలో ఆయనకు పలువురి నుంచి ఆత్మీయ ఆతిథ్యం లభించింది. అక్టోబర్ 18న చాంగి బిజినెస్ పార్క్‌లోని బంజారా రెస్టారెంట్‌లో విక్రమ్ సాయి, ఆయన మిత్రులు ఏర్పాటు చేసిన విందులో పాల్గొన్నారు. అలాగే, 19న లిటిల్ ఇండియాలోని అతిథి కిచెన్‌లో మిత్రులతో కలిసి విందు స్వీకరించారు. అమ్మ చేతి వంటను తలపించేలా ఉన్న ఆ భోజనాన్ని ఆస్వాదిస్తూ పాత జ్ఞాపకాలను నెమరువేసుకున్నారు. ఇదే పర్యటనలో సింగపూర్‌లోని భారత హైకమిషన్ నుంచి కెప్టెన్ అనూప్ శర్మ గౌరవపూర్వక ఆహ్వానం మేరకు ఆయన్ను కలవడం విశేషం.
పండుగల సమయంలో సింగపూర్‌లోని తెలుగు కుటుంబాలను కలుసుకోవడం చాలా ఆనందాన్నిచ్చిందని ఒబెరాయ్ తెలిపారు. తన పర్యటన విజయవంతం కావడానికి సమన్వయం చేసిన అమ్ములు గ్రూప్‌కు చెందిన శైలజా రెడ్డి, ఇండియన్ ఎంబసీకి చెందిన ఆనంద్‌లకు ఆయన ప్రత్యేక కృతజ్ఞతలు తెలియజేశారు. అలాగే, ఆతిథ్యం అందించిన మ్యాథమెటిక్స్ ఇన్‌స్టిట్యూట్ చాణక్య, కోవన్ గ్రోసరీస్ సాయినాథ్, ప్రాపర్టీ ఏజెంట్ భీమవరం రామ్, తెలంగాణ కల్చరల్ సొసైటీ సభ్యులకు ధన్యవాదాలు చెప్పారు.
ఈ పర్యటన తనకు ఎన్నో మధుర జ్ఞాపకాలను అందించిందని, మరో మంచి కార్యక్రమంతో మళ్లీ సింగపూర్ వస్తానని ఒబెరాయ్ తెలిపారు. మూడు రోజుల పర్యటన ముగించుకుని ఆయన తదుపరి ప్రయాణంలో భాగంగా కౌలాలంపూర్‌కు బయలుదేరారు. ఈ సందర్భంగా సింగపూర్‌లోని తెలుగు వారందరికీ ఆయన మరోసారి దసరా శుభాకాంక్షలు తెలియజేశారు.
పర్యటనలో భాగంగా అక్టోబర్ 17న తెలంగాణ కల్చరల్ సొసైటీ ఆధ్వర్యంలో నిర్వహించిన బతుకమ్మ సంబరాల్లో ఒబెరాయ్ ఉత్సాహంగా పాల్గొన్నారు. విదేశాల్లోనూ తెలుగు సంస్కృతి, సంప్రదాయాలు ఉట్టిపడేలా జరిగిన ఈ వేడుకల్లో పాల్గొనడం తనకు ప్రత్యేక అనుభూతినిచ్చిందని ఆయన పేర్కొన్నారు.
ఈ పర్యటనలో ఆయనకు పలువురి నుంచి ఆత్మీయ ఆతిథ్యం లభించింది. అక్టోబర్ 18న చాంగి బిజినెస్ పార్క్‌లోని బంజారా రెస్టారెంట్‌లో విక్రమ్ సాయి, ఆయన మిత్రులు ఏర్పాటు చేసిన విందులో పాల్గొన్నారు. అలాగే, 19న లిటిల్ ఇండియాలోని అతిథి కిచెన్‌లో మిత్రులతో కలిసి విందు స్వీకరించారు. అమ్మ చేతి వంటను తలపించేలా ఉన్న ఆ భోజనాన్ని ఆస్వాదిస్తూ పాత జ్ఞాపకాలను నెమరువేసుకున్నారు. ఇదే పర్యటనలో సింగపూర్‌లోని భారత హైకమిషన్ నుంచి కెప్టెన్ అనూప్ శర్మ గౌరవపూర్వక ఆహ్వానం మేరకు ఆయన్ను కలవడం విశేషం.
పండుగల సమయంలో సింగపూర్‌లోని తెలుగు కుటుంబాలను కలుసుకోవడం చాలా ఆనందాన్నిచ్చిందని ఒబెరాయ్ తెలిపారు. తన పర్యటన విజయవంతం కావడానికి సమన్వయం చేసిన అమ్ములు గ్రూప్‌కు చెందిన శైలజా రెడ్డి, ఇండియన్ ఎంబసీకి చెందిన ఆనంద్‌లకు ఆయన ప్రత్యేక కృతజ్ఞతలు తెలియజేశారు. అలాగే, ఆతిథ్యం అందించిన మ్యాథమెటిక్స్ ఇన్‌స్టిట్యూట్ చాణక్య, కోవన్ గ్రోసరీస్ సాయినాథ్, ప్రాపర్టీ ఏజెంట్ భీమవరం రామ్, తెలంగాణ కల్చరల్ సొసైటీ సభ్యులకు ధన్యవాదాలు చెప్పారు.
ఈ పర్యటన తనకు ఎన్నో మధుర జ్ఞాపకాలను అందించిందని, మరో మంచి కార్యక్రమంతో మళ్లీ సింగపూర్ వస్తానని ఒబెరాయ్ తెలిపారు. మూడు రోజుల పర్యటన ముగించుకుని ఆయన తదుపరి ప్రయాణంలో భాగంగా కౌలాలంపూర్‌కు బయలుదేరారు. ఈ సందర్భంగా సింగపూర్‌లోని తెలుగు వారందరికీ ఆయన మరోసారి దసరా శుభాకాంక్షలు తెలియజేశారు.
