uber: ర్యాపిడో, ఉబర్‌లకు సుప్రీం కోర్టులో షాక్
- టూవీలర్ సేవలను నిషేధిస్తూ ఢిల్లీ ప్రభుత్వం గతంలో ఉత్తర్వులు
- హైకోర్టుకు వెళ్లిన ర్యాపిడో, ఉబర్ సంస్థలు
- సర్వీసులకు అనుమతించిన ఢిల్లీ హైకోర్టు
- సుప్రీం కోర్టుకు వెళ్లిన కేజ్రీవాల్ ప్రభుత్వం
- ఢిల్లీ హైకోర్టు ఉత్తర్వులపై సుప్రీం కోర్టు స్టే
దేశ రాజధాని న్యూఢిల్లీలో బైక్ ట్యాక్సీ సేవలు అందిస్తోన్న ర్యాపిడో, ఉబర్ లకు సుప్రీం కోర్టులో షాక్ తగిలింది. గతంలో ఈ సంస్థలు అందించే టూ వీలర్ సేవలను నిషేధిస్తూ ఢిల్లీ ప్రభుత్వం ఉత్తర్వులు జారీ చేసింది. దీనిపై ర్యాపిడో, ఉబర్ సంస్థలు హైకోర్టుకు వెళ్లగా, ఈ సర్వీసులను అనుమతిస్తూ ఉత్తర్వులు జారీ చేసింది. దీనిని అరవింద్ కేజ్రీవాల్ నేతృత్వంలోని ఆమ్ ఆద్మీ ప్రభుత్వం ఆ తర్వాత సుప్రీం కోర్టులో సవాల్ చేసింది. తాజాగా ఢిల్లీ హైకోర్టు ఉత్తర్వులపై సుప్రీం కోర్టు స్టే విధించింది.
ర్యాపిడో, ఉబర్ లు మోటార్ వెహికిల్ యాక్ట్ 1988ను ఉల్లంఘిస్తున్నాయంటూ ఢిల్లీ ప్రభుత్వం గత ఫిబ్రవరిలో బైక్ - ట్యాక్సీ సేవలను నిషేధించింది. ద్విచక్ర వాహనాలేతర రవాణాపై తుది నిర్ణయాన్ని ప్రకటించే వరకు బైక్ - ట్యాక్సీ అగ్రిగేటర్లు, ర్యాపిడో, ఉబర్ లు తమ సేవలను నిలిపివేయాలని తెలిపింది.
