కరోనా అలెర్ట్... వియన్నా నుంచి భారత్ కు వచ్చిన ప్రయాణికులకు ఎయిరిండియా విజ్ఞప్తి!
- ఫిబ్రవరి 25న వియన్నా నుంచి భారత్ కు వచ్చిన ఎయిరిండియా విమానం
- అందులో ఓ ప్రయాణికుడికి కరోనా పాజిటివ్ గా నిర్ధారణ
- మిగతా ప్రయాణికులు కూడా కరోనా పరీక్షలు చేయించుకోవాలన్న ఎయిరిండియా
కరోనా వైరస్ భారత్ లోనూ క్రమంగా విస్తరిస్తున్న నేపథ్యంలో ప్రభుత్వ రంగ విమానయాన సంస్థ ఎయిరిండియా కీలక ప్రకటన చేసింది. ఫిబ్రవరి 25న వియన్నా నుంచి భారత్ కు వచ్చిన వారిలో ఓ వ్యక్తికి కరోనా పాజిటివ్ అని తేలిందని వెల్లడించింది. ఫిబ్రవరి 25న ఆ విమానంలో ప్రయాణించినవారు వైద్య పరీక్షలు చేయించుకోవాలని సూచించింది. కాగా, చైనా, ఇరాన్, దక్షిణ కొరియాల తర్వాత యూరప్ లోనే కరోనా వైరస్ అత్యధిక ప్రభావం చూపుతోంది. ఇప్పటికే అక్కడ పెద్ద సంఖ్యలో బాధితులయ్యారు. ఇటలీ వంటి దేశాల్లో మరణాలు కూడా సంభవించాయి. ఈ నేపథ్యంలోనే ఎయిరిండియా ప్రయాణికులను హెచ్చరించింది.