విజయవాడ-బెంగళూరు మధ్య త్వరలో వందేభారత్ ఎక్స్‌ప్రెస్ పరుగులు
- ప్రయాణ సమయం 9 గంటలకు తగ్గే అవకాశం
- ఇప్పటితో పోలిస్తే మూడు గంటల సమయం ఆదా
- వారానికి ఆరు రోజులు పరుగులు
విజయవాడ-బెంగళూరు నగరాల మధ్య ప్రయాణించే వారికి రైల్వే శాఖ శుభవార్త అందించనుంది. ఈ రెండు కీలక నగరాల మధ్య అత్యాధునిక వందేభారత్ ఎక్స్‌ప్రెస్‌ను నడిపేందుకు ప్రతిపాదనలు సిద్ధమైనట్లు రైల్వే వర్గాలు తెలిపాయి. ఈ రైలు అందుబాటులోకి వస్తే ప్రయాణ సమయం గణనీయంగా తగ్గి, కేవలం తొమ్మిది గంటల్లోనే గమ్యస్థానానికి చేరుకోవచ్చని ప్రాథమికంగా అంచనా వేస్తున్నారు.
ప్రస్తుతం ఉన్న రైళ్లతో పోలిస్తే ఈ వందేభారత్ ఎక్స్‌ప్రెస్ ద్వారా దాదాపు మూడు గంటల ప్రయాణ సమయం ఆదా అవుతుందని అధికారులు చెబుతున్నారు. ఈ రైలు సర్వీసు కార్యరూపం దాల్చితే, బెంగళూరుకు రాకపోకలు సాగించే ఉద్యోగులు, వ్యాపారులు, విద్యార్థులతో పాటు, తిరుపతి శ్రీవారి దర్శనానికి వెళ్లే భక్తులకు కూడా ఎంతో సౌకర్యవంతంగా ఉంటుందని భావిస్తున్నారు.
ఈ వందేభారత్ ఎక్స్‌ప్రెస్‌లో మొత్తం 8 బోగీలు ఉంటాయి. వీటిలో ఏడు ఏసీ చైర్ కార్ కోచ్‌లు కాగా, ఒకటి ఎగ్జిక్యూటివ్ చైర్ కార్ కోచ్‌గా ఉంటుంది. మంగళవారం మినహా వారంలో మిగిలిన ఆరు రోజులు ఈ రైలు ప్రయాణికులకు అందుబాటులో ఉంటుందని ప్రతిపాదనల్లో పేర్కొన్నారు.
విజయవాడ నుంచి బెంగళూరు (రైలు నెం. 20711)
ప్రతిపాదిత రైలు సమయాలు
విజయవాడలో ఉదయం 5:15 గంటలకు బయలుదేరుతుంది. తెనాలికి 5:39, ఒంగోలుకు 6:28, నెల్లూరుకు 7:43, తిరుపతికి 9:45, చిత్తూరుకు 10:27, కాట్పాడికి 11:13, కృష్ణరాజపురానికి మధ్యాహ్నం 1:38 గంటలకు చేరుకుంటుంది. చివరగా మధ్యాహ్నం 2:15 గంటలకు ఎస్‌ఎంవీటీ బెంగళూరు స్టేషన్‌కు చేరుకుంటుంది.
బెంగళూరు నుంచి విజయవాడ (రైలు నెం. 20712)
అదే రోజు మధ్యాహ్నం 2:45 గంటలకు ఎస్‌ఎంవీటీ బెంగళూరు నుంచి రైలు తిరుగు ప్రయాణమవుతుంది.
కృష్ణరాజపురానికి 2:58, కాట్పాడికి సాయంత్రం 5:23, చిత్తూరుకు 5:49, తిరుపతికి రాత్రి 6:55, నెల్లూరుకు 8:18, ఒంగోలుకు 9:29, తెనాలికి 10:42 గంటలకు చేరుకుంటుంది. చివరగా రాత్రి 11:45 గంటలకు విజయవాడ రైల్వే స్టేషన్‌కు చేరుకుంటుంది.
ప్రస్తుతం విజయవాడ నుంచి బెంగళూరుకు వెళ్లే ప్రయాణికుల కోసం వారానికి మూడు రోజులు మాత్రమే నడిచే మచిలీపట్నం - యశ్వంత్‌పూర్ కొండవీడు ఎక్స్‌ప్రెస్ అందుబాటులో ఉంది. ఈ నేపథ్యంలో కొత్త వందేభారత్ రైలు ప్రతిపాదన కార్యరూపం దాల్చితే, ప్రయాణికులకు వేగవంతమైన, సౌకర్యవంతమైన ప్రయాణ అనుభూతి కలుగుతుందని రైల్వే అధికారులు ఆశాభావం వ్యక్తం చేస్తున్నారు.
ప్రస్తుతం ఉన్న రైళ్లతో పోలిస్తే ఈ వందేభారత్ ఎక్స్‌ప్రెస్ ద్వారా దాదాపు మూడు గంటల ప్రయాణ సమయం ఆదా అవుతుందని అధికారులు చెబుతున్నారు. ఈ రైలు సర్వీసు కార్యరూపం దాల్చితే, బెంగళూరుకు రాకపోకలు సాగించే ఉద్యోగులు, వ్యాపారులు, విద్యార్థులతో పాటు, తిరుపతి శ్రీవారి దర్శనానికి వెళ్లే భక్తులకు కూడా ఎంతో సౌకర్యవంతంగా ఉంటుందని భావిస్తున్నారు.
ఈ వందేభారత్ ఎక్స్‌ప్రెస్‌లో మొత్తం 8 బోగీలు ఉంటాయి. వీటిలో ఏడు ఏసీ చైర్ కార్ కోచ్‌లు కాగా, ఒకటి ఎగ్జిక్యూటివ్ చైర్ కార్ కోచ్‌గా ఉంటుంది. మంగళవారం మినహా వారంలో మిగిలిన ఆరు రోజులు ఈ రైలు ప్రయాణికులకు అందుబాటులో ఉంటుందని ప్రతిపాదనల్లో పేర్కొన్నారు.
విజయవాడ నుంచి బెంగళూరు (రైలు నెం. 20711)
ప్రతిపాదిత రైలు సమయాలు
విజయవాడలో ఉదయం 5:15 గంటలకు బయలుదేరుతుంది. తెనాలికి 5:39, ఒంగోలుకు 6:28, నెల్లూరుకు 7:43, తిరుపతికి 9:45, చిత్తూరుకు 10:27, కాట్పాడికి 11:13, కృష్ణరాజపురానికి మధ్యాహ్నం 1:38 గంటలకు చేరుకుంటుంది. చివరగా మధ్యాహ్నం 2:15 గంటలకు ఎస్‌ఎంవీటీ బెంగళూరు స్టేషన్‌కు చేరుకుంటుంది.
బెంగళూరు నుంచి విజయవాడ (రైలు నెం. 20712)
అదే రోజు మధ్యాహ్నం 2:45 గంటలకు ఎస్‌ఎంవీటీ బెంగళూరు నుంచి రైలు తిరుగు ప్రయాణమవుతుంది.
కృష్ణరాజపురానికి 2:58, కాట్పాడికి సాయంత్రం 5:23, చిత్తూరుకు 5:49, తిరుపతికి రాత్రి 6:55, నెల్లూరుకు 8:18, ఒంగోలుకు 9:29, తెనాలికి 10:42 గంటలకు చేరుకుంటుంది. చివరగా రాత్రి 11:45 గంటలకు విజయవాడ రైల్వే స్టేషన్‌కు చేరుకుంటుంది.
ప్రస్తుతం విజయవాడ నుంచి బెంగళూరుకు వెళ్లే ప్రయాణికుల కోసం వారానికి మూడు రోజులు మాత్రమే నడిచే మచిలీపట్నం - యశ్వంత్‌పూర్ కొండవీడు ఎక్స్‌ప్రెస్ అందుబాటులో ఉంది. ఈ నేపథ్యంలో కొత్త వందేభారత్ రైలు ప్రతిపాదన కార్యరూపం దాల్చితే, ప్రయాణికులకు వేగవంతమైన, సౌకర్యవంతమైన ప్రయాణ అనుభూతి కలుగుతుందని రైల్వే అధికారులు ఆశాభావం వ్యక్తం చేస్తున్నారు.