కడప జిల్లా రాయచోటి మాజీ ఎమ్మెల్యే ఎం.నారాయణరెడ్డి ఈరోజు తుదిశ్వాస విడిచారు. ఆయన వయసు 68 సంవత్సరాలు. గత కొంత కాలంగా అనారోగ్యంతో ఆయన బాధపడుతున్నారు. వారం కిందట చెన్నైలోని అపోలో ఆసుపత్రిలో ఆయనను కుటుంబసభ్యులు చేర్పించారు. పరిస్థితి విషమించడంతో... ఈ మధ్యాహ్నం 2.30 గంటలకు ఆయన తుదిశ్వాస విడిచారు. దివంగత రాజశేఖరరెడ్డికి ముఖ్య అనుచరుడిగా నారాయణరెడ్డికి పేరుంది. 1994లో జరిగిన ఉప ఎన్నికలు, ఆ తర్వాత వచ్చిన ఎన్నికల్లో కాంగ్రెస్ అభ్యర్థిగా ఆయన గెలుపొందారు. నారాయణరెడ్డికి కుమారుడు, కుమార్తె ఉన్నారు.