Sudeep: సుదీప్ సినిమాకి రిలీజ్ డేట్ ఖరారు!
- కన్నడ స్టార్ హీరోగా సుదీప్
- తాజా చిత్రంగా 'విక్రాంత్ రోనా'
- దర్శకుడిగా అనూప్ భండారి
- వచ్చేనెల 24న థియేటర్స్ లో రిలీజ్
కన్నడ స్టార్ హీరోలలో సుదీప్ స్థానం ప్రత్యేకం. విలన్ పాత్రలతో మంచి పేరు తెచ్చుకున్న ఆయన స్టార్ హీరోగా వెలుగుతున్నారు. డైలాగ్ డెలివరీలో ఆయనకంటూ ఒక స్టైల్ ఉంది. ఆ ప్రత్యేకతని ఆయనను స్టార్ ను చేసింది. తెలుగు .. తమిళ భాషల్లోను ఆయనకి మంచి క్రేజ్ ఉంది.
ఆయన తాజా చిత్రంగా 'విక్రాంత్ రోనా' రూపొందింది. షాలినీ ఆర్ట్స్ - జీ స్టూడియోస్ వారితో కలిసి సుదీప్ ఈ సినిమాను నిర్మించాడు. భారీ బడ్జెట్ తో నిర్మితమైన ఈ సినిమాకి అనూప్ భండారి దర్శకత్వం వహించాడు. విభిన్నమైన కథాకథనాలతో సాగే ఈ సినిమాలో సుదీప్ డిఫరెంట్ లుక్ తో కనిపించనున్నాడు.
ఈ సినిమాకి ఓటీటీ వైపు నుంచి భారీ ఆఫర్ వచ్చిందనీ, అందువలన ఓటీటీ ఫ్లాట్ ఫామ్ ద్వారానే ప్రేక్షకుల ముందుకు వస్తుందనే వార్తలు కొన్ని రోజులుగా వినిపిస్తున్నాయి. ఈ విషయంపై మేకర్స్ క్లారిటీ ఇచ్చారు. ప్రపంచవ్యాప్తంగా ఈ సినిమాను ఫిబ్రవరి 24వ తేదీన థియేటర్లలో విడుదల చేయనున్నట్టు చెబుతూ, అధికారిక పోస్టర్ ను రిలీజ్ చేశారు.
.