Niharika Konidela: ఇన్‌స్టాగ్రామ్‌లో ఒకరిని ఒకరు అన్‌ఫాలో చేసుకున్న నిహారిక, చైతన్య.. అసలేం జరుగుతోంది?
- ప్రేమించుకుని మూడేళ్ల కింద పెళ్లితో ఒక్కటైన యువ జంట
- కొన్నాళ్లుగా ఇద్దరికీ పడటం లేదని పుకార్లు
- ఇన్ స్టా పెళ్లి ఫొటోలనూ తొలగించిన చైతన్య!
మెగా కుటుంబం నుంచి మొదటి హీరోయన్ అయిన కొణిదెల నిహారిక పెళ్లి తర్వాత సినిమాలకు దూరమైంది. తాను ప్రేమించిన చైతన్య జొన్నలగడ్డను నిహారిక మూడేళ్ల కిందట పెళ్లి చేసుకుంది. చూడచక్కని ఈ జంట వివాహ బంధం గురించి కొన్నాళ్లుగా పుకార్లు చక్కర్లు కొడుతున్నాయి. వీరిద్దరి మధ్య విభేదాలు వచ్చాయని, విడిపోవాలని అనుకుంటున్నట్టు గుసగుసలు వినిపిస్తున్నాయి. వాటిలో నిజం లేదని కుటుంబ సభ్యులు ఖండిస్తున్నా ఈ ప్రచారం ఆగడం లేదు.
ఈ క్రమంలో నిహారిక, చైతన్య చేసిన పని ఈ పుకార్లకు మరింత ఊతం ఇచ్చినట్టయింది. ఇన్ స్టాగ్రామ్ లో ఈ ఇద్దరూ ఒకరిని ఒకరు అన్‌ఫాలో చేసుకున్నారు. ఇన్ స్టా లో చైతన్య తమ పెళ్లికి సంబంధించిన ఫొటోలను కూడా తొలగించినట్టు తెలుస్తోంది. దీంతో, ఇద్దరి మధ్య విభేదాలు నిజమే అన్న ప్రచారం ఊపందుకుంది.