- 2025 వన్డే ప్రపంచకప్‌లో భారత్ ఘన విజయం
- వరుస ఓటములతో ఓ దశలో కుంగిపోయిన జట్టు
- కోచ్ అమోల్ ముజుందార్ క్లాస్‌తో పెరిగిన కసి
- సెమీస్‌లో ఆస్ట్రేలియాపై, ఫైనల్లో సౌతాఫ్రికాపై గెలుపు
- సోషల్ మీడియాకు దూరంగా ఉంటానన్న హర్మన్‌ప్రీత్
మహిళల వన్డే ప్రపంచకప్ 2025 టైటిల్‌ను భారత జట్టు కైవసం చేసుకోవడం వెనుక డ్రెస్సింగ్ రూమ్‌లో జరిగిన ఓ ఆసక్తికరమైన ఘటనను కెప్టెన్ హర్మన్‌ప్రీత్ కౌర్ బయటపెట్టింది. టోర్నమెంట్‌లో వరుసగా మూడు ఓటములతో భారత్ ఇంటిదారి పట్టేలా కనిపించిన తరుణంలో.. హెడ్ కోచ్ అమోల్ ముజుందార్ ఇచ్చిన గట్టి హెచ్చరిక టీమ్‌ రూపురేఖలనే మార్చేసిందని వెల్లడించింది.
కోచ్ గొంతు పెంచడం అదే మొదటిసారి
టోర్నీలో వరుసగా రెండు విజయాలతో ఆరంభించిన భారత్, ఆ తర్వాత వరుసగా మూడు మ్యాచ్‌ల్లో ఓడిపోయింది. ముఖ్యంగా ఇంగ్లండ్‌తో జరిగిన మ్యాచ్‌లో ఓటమి తర్వాత డ్రెస్సింగ్ రూమ్ వాతావరణం ఎంతో నిశ్శబ్దంగా మారిపోయిందని హర్మన్‌ప్రీత్ గుర్తు చేసుకుంది. ‘‘సాధారణంగా ఎంతో మృదువుగా మాట్లాడే అమోల్ సార్.. ఇంగ్లండ్ మ్యాచ్ తర్వాత ఒక్కసారిగా గొంతు పెంచాడు. ‘వెళ్లి మార్కెట్లో ఒక అద్దం కొనుక్కోండి.. అందులో మీ ముఖాలు చూసుకుని మీరేం చేస్తున్నారో, ఈ దశలో మీరేం చేయాలో ఆలోచించుకోండి’ అని మొహం మీదే అనేశాడు. కోచ్ అన్నదాంట్లో ఎలాంటి తప్పు లేకపోవడంతో మేమంతా దాన్ని పాజిటివ్‌గా తీసుకున్నాం’’ అని హర్మన్‌ప్రీత్ చెప్పింది.
ఆ తర్వాతే అసలైన విశ్వరూపం
కోచ్ ఇచ్చిన ఆ ఒక్క క్లాస్‌తో ఆటగాళ్లలో కసి పెరిగిందని తర్వాత న్యూజిలాండ్‌పై గెలిచి టోర్నీలో నిలిచామని హర్మన్‌ప్రీత్ వివరించింది. నాకౌట్ దశలో బలమైన ఆస్ట్రేలియాను సెమీఫైనల్లో కుప్పకూల్చామని, ఆ తర్వాత ఫైనల్లో సౌతాఫ్రికాను ఓడించి మర్చిపోలేని రీతిలో ప్రపంచకప్ ట్రోఫీని ముద్దాడామని చెప్పింది. పెద్ద టోర్నమెంట్ల సమయంలో తాను సోషల్ మీడియాకు పూర్తిగా దూరంగా ఉంటానని, బయట వచ్చే విమర్శలు లేదా ప్రశంసలను చదవడం వల్ల మానసిక ప్రశాంతత దెబ్బతింటుందని పేర్కొంది. ప్రస్తుతం భారత మహిళల జట్టు 2026 టీ20 ప్రపంచకప్ సన్నాహకాల్లో భాగంగా ఇంగ్లండ్‌తో మూడు మ్యాచ్‌ల టీ20 సిరీస్ ఆడుతోంది.
కోచ్ గొంతు పెంచడం అదే మొదటిసారి
టోర్నీలో వరుసగా రెండు విజయాలతో ఆరంభించిన భారత్, ఆ తర్వాత వరుసగా మూడు మ్యాచ్‌ల్లో ఓడిపోయింది. ముఖ్యంగా ఇంగ్లండ్‌తో జరిగిన మ్యాచ్‌లో ఓటమి తర్వాత డ్రెస్సింగ్ రూమ్ వాతావరణం ఎంతో నిశ్శబ్దంగా మారిపోయిందని హర్మన్‌ప్రీత్ గుర్తు చేసుకుంది. ‘‘సాధారణంగా ఎంతో మృదువుగా మాట్లాడే అమోల్ సార్.. ఇంగ్లండ్ మ్యాచ్ తర్వాత ఒక్కసారిగా గొంతు పెంచాడు. ‘వెళ్లి మార్కెట్లో ఒక అద్దం కొనుక్కోండి.. అందులో మీ ముఖాలు చూసుకుని మీరేం చేస్తున్నారో, ఈ దశలో మీరేం చేయాలో ఆలోచించుకోండి’ అని మొహం మీదే అనేశాడు. కోచ్ అన్నదాంట్లో ఎలాంటి తప్పు లేకపోవడంతో మేమంతా దాన్ని పాజిటివ్‌గా తీసుకున్నాం’’ అని హర్మన్‌ప్రీత్ చెప్పింది.
ఆ తర్వాతే అసలైన విశ్వరూపం
కోచ్ ఇచ్చిన ఆ ఒక్క క్లాస్‌తో ఆటగాళ్లలో కసి పెరిగిందని తర్వాత న్యూజిలాండ్‌పై గెలిచి టోర్నీలో నిలిచామని హర్మన్‌ప్రీత్ వివరించింది. నాకౌట్ దశలో బలమైన ఆస్ట్రేలియాను సెమీఫైనల్లో కుప్పకూల్చామని, ఆ తర్వాత ఫైనల్లో సౌతాఫ్రికాను ఓడించి మర్చిపోలేని రీతిలో ప్రపంచకప్ ట్రోఫీని ముద్దాడామని చెప్పింది. పెద్ద టోర్నమెంట్ల సమయంలో తాను సోషల్ మీడియాకు పూర్తిగా దూరంగా ఉంటానని, బయట వచ్చే విమర్శలు లేదా ప్రశంసలను చదవడం వల్ల మానసిక ప్రశాంతత దెబ్బతింటుందని పేర్కొంది. ప్రస్తుతం భారత మహిళల జట్టు 2026 టీ20 ప్రపంచకప్ సన్నాహకాల్లో భాగంగా ఇంగ్లండ్‌తో మూడు మ్యాచ్‌ల టీ20 సిరీస్ ఆడుతోంది.
