- అంతర్జాతీయ క్రికెట్‌లో అరుదైన రికార్డు సృష్టించిన వైభవ్
- అతి పిన్న వయసులో ప్లేయర్ ఆఫ్ ది సిరీస్ గెలుచుకున్న ఆట‌గాడిగా రికార్డు
- జింబాబ్వేతో టీ20 సిరీస్‌లో 151 పరుగులతో టాప్ స్కోరర్
- సచిన్ టెండూల్కర్ రికార్డును అధిగమించిన యువ సంచలనం
- 16 ఏళ్లు నిండకముందే రెండు అంతర్జాతీయ హాఫ్ సెంచరీలు సాధించి మ‌రో రికార్డు
భారత యువ సంచలనం, 15 ఏళ్ల ఓపెనర్ వైభవ్ సూర్యవంశీ క్రికెట్ చరిత్రలో సరికొత్త అధ్యాయాన్ని లిఖించాడు. పురుషుల అంతర్జాతీయ క్రికెట్‌లో 'ప్లేయర్ ఆఫ్ ది సిరీస్' అవార్డును గెలుచుకున్న అత్యంత పిన్న వయస్కుడిగా ప్రపంచ రికార్డు సృష్టించాడు. జింబాబ్వేతో ముగిసిన మూడు మ్యాచ్‌ల టీ20 సిరీస్‌ను భారత్ 3-0 తేడాతో క్లీన్‌స్వీప్ చేయగా, వైభవ్ ఈ అరుదైన ఘనతను అందుకుని తన సత్తా ఏంటో ప్రపంచానికి చాటాడు.
ఈ సిరీస్‌లో వైభవ్ అద్భుతమైన ఫామ్‌ను ప్రదర్శించాడు. మూడు ఇన్నింగ్స్‌లలో కలిపి దాదాపు 196 స్ట్రైక్ రేట్‌తో 151 పరుగులు చేసి, సిరీస్‌లో టాప్ స్కోరర్‌గా నిలిచాడు. ముఖ్యంగా చివరి టీ20 మ్యాచ్‌లో తన విశ్వరూపం చూపించాడు. కేవలం 49 బంతుల్లో 8 ఫోర్లు, 4 సిక్సర్ల సహాయంతో 81 పరుగులు చేసి జట్టు భారీ స్కోరు (192/5) సాధించడంలో కీలక పాత్ర పోషించాడు. ఈ మ్యాచ్‌లో భారత్ 35 పరుగుల తేడాతో విజయం సాధించి సిరీస్‌ను కైవసం చేసుకుంది.
ఈ సిరీస్‌లోనే వైభవ్ మరిన్ని రికార్డులను తన ఖాతాలో వేసుకున్నాడు. తొలి టీ20లో మెరుపు వేగంతో హాఫ్ సెంచరీ పూర్తి చేసి, అంతర్జాతీయ క్రికెట్‌లో అర్ధశతకం సాధించిన అత్యంత పిన్న వయస్కుడిగా (15 ఏళ్ల 118 రోజులు) చరిత్ర సృష్టించాడు. ఈ క్రమంలో నేపాల్ ఆటగాడు కుశాల్ మల్లా పేరిట ఉన్న ప్రపంచ రికార్డుతో పాటు సచిన్ టెండూల్కర్ పేరిట ఉన్న భారత రికార్డును కూడా బద్దలు కొట్టాడు. అంతేకాకుండా 16 ఏళ్లు నిండకముందే రెండు అంతర్జాతీయ హాఫ్ సెంచరీలు నమోదు చేసిన తొలి బ్యాటర్‌గానూ నిలిచాడు.
ఈ ఏడాది జులైలో ఇంగ్లండ్‌తో జరిగిన సిరీస్‌తో అంతర్జాతీయ అరంగేట్రం చేసిన వైభవ్‌కు ఆరంభం నిరాశాజనకంగా మిగిలింది. ఆ మూడు మ్యాచ్‌లలో 14, 13, 15 పరుగులకే పరిమితమయ్యాడు. అయినప్పటికీ సెలక్టర్లు అతనిపై నమ్మకం ఉంచి జింబాబ్వే పర్యటనకు ఎంపిక చేశారు. ఈ అవకాశాన్ని వైభవ్ రెండు చేతులా అందిపుచ్చుకుని అద్భుత ప్రదర్శనతో ఆకట్టుకున్నాడు. ఇదే ఏడాది ఆరంభంలో అండర్-19 ప్రపంచకప్ ఫైనల్‌లో ఇదే హరారే మైదానంలో 175 పరుగుల అద్భుత ఇన్నింగ్స్ ఆడిన వైభవ్, ఇప్పుడు సీనియర్ స్థాయిలోనూ అదే వేదికపై చెలరేగి తన ప్రతిభను నిరూపించుకున్నాడు.
ఈ సిరీస్‌లో వైభవ్ అద్భుతమైన ఫామ్‌ను ప్రదర్శించాడు. మూడు ఇన్నింగ్స్‌లలో కలిపి దాదాపు 196 స్ట్రైక్ రేట్‌తో 151 పరుగులు చేసి, సిరీస్‌లో టాప్ స్కోరర్‌గా నిలిచాడు. ముఖ్యంగా చివరి టీ20 మ్యాచ్‌లో తన విశ్వరూపం చూపించాడు. కేవలం 49 బంతుల్లో 8 ఫోర్లు, 4 సిక్సర్ల సహాయంతో 81 పరుగులు చేసి జట్టు భారీ స్కోరు (192/5) సాధించడంలో కీలక పాత్ర పోషించాడు. ఈ మ్యాచ్‌లో భారత్ 35 పరుగుల తేడాతో విజయం సాధించి సిరీస్‌ను కైవసం చేసుకుంది.
ఈ సిరీస్‌లోనే వైభవ్ మరిన్ని రికార్డులను తన ఖాతాలో వేసుకున్నాడు. తొలి టీ20లో మెరుపు వేగంతో హాఫ్ సెంచరీ పూర్తి చేసి, అంతర్జాతీయ క్రికెట్‌లో అర్ధశతకం సాధించిన అత్యంత పిన్న వయస్కుడిగా (15 ఏళ్ల 118 రోజులు) చరిత్ర సృష్టించాడు. ఈ క్రమంలో నేపాల్ ఆటగాడు కుశాల్ మల్లా పేరిట ఉన్న ప్రపంచ రికార్డుతో పాటు సచిన్ టెండూల్కర్ పేరిట ఉన్న భారత రికార్డును కూడా బద్దలు కొట్టాడు. అంతేకాకుండా 16 ఏళ్లు నిండకముందే రెండు అంతర్జాతీయ హాఫ్ సెంచరీలు నమోదు చేసిన తొలి బ్యాటర్‌గానూ నిలిచాడు.
ఈ ఏడాది జులైలో ఇంగ్లండ్‌తో జరిగిన సిరీస్‌తో అంతర్జాతీయ అరంగేట్రం చేసిన వైభవ్‌కు ఆరంభం నిరాశాజనకంగా మిగిలింది. ఆ మూడు మ్యాచ్‌లలో 14, 13, 15 పరుగులకే పరిమితమయ్యాడు. అయినప్పటికీ సెలక్టర్లు అతనిపై నమ్మకం ఉంచి జింబాబ్వే పర్యటనకు ఎంపిక చేశారు. ఈ అవకాశాన్ని వైభవ్ రెండు చేతులా అందిపుచ్చుకుని అద్భుత ప్రదర్శనతో ఆకట్టుకున్నాడు. ఇదే ఏడాది ఆరంభంలో అండర్-19 ప్రపంచకప్ ఫైనల్‌లో ఇదే హరారే మైదానంలో 175 పరుగుల అద్భుత ఇన్నింగ్స్ ఆడిన వైభవ్, ఇప్పుడు సీనియర్ స్థాయిలోనూ అదే వేదికపై చెలరేగి తన ప్రతిభను నిరూపించుకున్నాడు.
