- మహారాష్ట్ర రాజకీయాల్లో కొత్త దుమారం
- నానా పటోలే కాళ్లు కడిగిన వీడియో వైరల్‌
- కాంగ్రెస్‌ సంస్కృతి అంటూ బీజేపీ విమర్శలు
- గురుపూజలో భాగమేనన్న నానా పటోలే
- కుటుంబ సభ్యులే గౌరవంగా చేశారన్న వివరణ
గురుపౌర్ణమి వేడుకలో జరిగిన ఓ ఘటన మహారాష్ట్ర రాజకీయాల్లో కొత్త దుమారం రేపింది. ఇద్దరు యువకులు కాంగ్రెస్‌ సీనియర్‌ నేత నానా పటోలే కాళ్లు కడిగిన వీడియో సోషల్‌ మీడియాలో వైరల్‌గా మారింది. దీనిపై బీజేపీ తీవ్ర విమర్శలు గుప్పించింది. పటోలే కూడా అదే స్థాయిలో ఎదురుదాడికి దిగారు. దీంతో ఈ వ్యవహారం రాజకీయ వాగ్వాదానికి దారి తీసింది.
గురుపౌర్ణమి సందర్భంగా జరిగిన కార్యక్రమంలో నానా పటోలే సోఫాపై కూర్చున్నారు. ఆ సమయంలో ఇద్దరు యువకులు ఆయన కాళ్లు కడిగి, పూలతో సత్కరించారు. పాదాల వద్ద పండ్లు కూడా ఉంచిన దృశ్యాలు వీడియోలో కనిపించాయి. ఈ వీడియో సోషల్‌ మీడియాలో వైరల్‌గా మారడంతో పలువురు స్పందించారు. మాజీ మహారాష్ట్ర కాంగ్రెస్‌ అధ్యక్షుడిగా, శాసనసభ మాజీ స్పీకర్‌గా పనిచేసిన పటోలేపై బీజేపీ విమర్శలు ప్రారంభించింది.
మహారాష్ట్ర మంత్రి, బీజేపీ నేత చంద్రశేఖర్‌ బావన్‌కులే ఈ ఘటనపై స్పందించారు. ఇలాంటి చర్యలే కాంగ్రెస్‌ నాయకుల సంస్కృతిని ప్రతిబింబిస్తాయని వ్యాఖ్యానించారు. ఇలాంటి కార్యక్రమాల వల్ల విమర్శలు, ప్రతికూల ప్రచారం తప్ప మరేదీ దక్కదని అన్నారు. గత అనుభవాల నుంచి కాంగ్రెస్‌ నాయకులు పాఠాలు నేర్చుకోవాల్సిన అవసరం ఉందని సూచించారు.
అయితే ఈ విమర్శలను నానా పటోలే ఖండించారు. ఆ రోజు గురుపూజ కార్యక్రమం జరిగిందని చెప్పారు. తన కుటుంబంలోని ఇద్దరు యువకులు తనను గురువుగా భావించి గౌరవ సూచకంగా ఈ కార్యక్రమం నిర్వహించారని వివరించారు. తాను ఎవరినీ కాళ్లు కడగాలని కోరలేదని, బలవంతం కూడా చేయలేదని స్పష్టం చేశారు. ఇందులో వివాదాస్పదంగా చూడాల్సిన అంశమే లేదని పేర్కొన్నారు.
బీజేపీ విమర్శలకు అదే స్థాయిలో పటోలే కౌంటర్‌ ఇచ్చారు. సంస్కృతి, సంప్రదాయాల గురించి తమకు బీజేపీ బోధించాల్సిన అవసరం లేదన్నారు. విరాళాల నిధులను దోచుకునే వారికి నీతులు చెప్పే హక్కు లేదని విమర్శించారు. ఈ వ్యాఖ్యలతో ఇరు పార్టీల మధ్య రాజకీయ ఆరోపణలు మరింత ముదిరాయి.
గురుపౌర్ణమి సందర్భంగా జరిగిన కార్యక్రమంలో నానా పటోలే సోఫాపై కూర్చున్నారు. ఆ సమయంలో ఇద్దరు యువకులు ఆయన కాళ్లు కడిగి, పూలతో సత్కరించారు. పాదాల వద్ద పండ్లు కూడా ఉంచిన దృశ్యాలు వీడియోలో కనిపించాయి. ఈ వీడియో సోషల్‌ మీడియాలో వైరల్‌గా మారడంతో పలువురు స్పందించారు. మాజీ మహారాష్ట్ర కాంగ్రెస్‌ అధ్యక్షుడిగా, శాసనసభ మాజీ స్పీకర్‌గా పనిచేసిన పటోలేపై బీజేపీ విమర్శలు ప్రారంభించింది.
మహారాష్ట్ర మంత్రి, బీజేపీ నేత చంద్రశేఖర్‌ బావన్‌కులే ఈ ఘటనపై స్పందించారు. ఇలాంటి చర్యలే కాంగ్రెస్‌ నాయకుల సంస్కృతిని ప్రతిబింబిస్తాయని వ్యాఖ్యానించారు. ఇలాంటి కార్యక్రమాల వల్ల విమర్శలు, ప్రతికూల ప్రచారం తప్ప మరేదీ దక్కదని అన్నారు. గత అనుభవాల నుంచి కాంగ్రెస్‌ నాయకులు పాఠాలు నేర్చుకోవాల్సిన అవసరం ఉందని సూచించారు.
అయితే ఈ విమర్శలను నానా పటోలే ఖండించారు. ఆ రోజు గురుపూజ కార్యక్రమం జరిగిందని చెప్పారు. తన కుటుంబంలోని ఇద్దరు యువకులు తనను గురువుగా భావించి గౌరవ సూచకంగా ఈ కార్యక్రమం నిర్వహించారని వివరించారు. తాను ఎవరినీ కాళ్లు కడగాలని కోరలేదని, బలవంతం కూడా చేయలేదని స్పష్టం చేశారు. ఇందులో వివాదాస్పదంగా చూడాల్సిన అంశమే లేదని పేర్కొన్నారు.
బీజేపీ విమర్శలకు అదే స్థాయిలో పటోలే కౌంటర్‌ ఇచ్చారు. సంస్కృతి, సంప్రదాయాల గురించి తమకు బీజేపీ బోధించాల్సిన అవసరం లేదన్నారు. విరాళాల నిధులను దోచుకునే వారికి నీతులు చెప్పే హక్కు లేదని విమర్శించారు. ఈ వ్యాఖ్యలతో ఇరు పార్టీల మధ్య రాజకీయ ఆరోపణలు మరింత ముదిరాయి.
