- బ్యాంకుల బకాయిలు రికవరీ అయినా మాల్యాపై పీఎంఎల్ఏ కేసు ఆగద‌న్న ఈడీ
- అప్పుల వసూలు సివిల్ అంశం, మనీలాండరింగ్ క్రిమినల్ నేరమని హైకోర్టుకు వివరణ
- కేసులు మూసివేయాలన్న మాల్యా అభ్యర్థనను తోసిపుచ్చిన దర్యాప్తు సంస్థ
- ఇప్పటికే బ్యాంకులకు రూ.14,131 కోట్ల ఆస్తులు అప్పగించామని వెల్లడి
పరారీలో ఉన్న వ్యాపారవేత్త విజయ్ మాల్యా కేసులో ఎన్‌ఫోర్స్‌మెంట్ డైరెక్టరేట్ (ఈడీ) కీలక వాదనలు వినిపించింది. బ్యాంకులకు చెల్లించాల్సిన బకాయిలు పెద్ద మొత్తంలో రికవరీ అయినంత మాత్రాన ఆయనపై నమోదైన మనీలాండరింగ్ నిరోధక చట్టం (పీఎంఎల్ఏ) కేసులను, సంబంధిత క్రిమినల్ ప్రొసీడింగ్స్‌ను రద్దు చేయలేమని బాంబే హైకోర్టుకు స్పష్టం చేసింది. ఈ మేరకు కోర్టుకు సమర్పించిన అఫిడవిట్‌లో ఈడీ తన వైఖరిని స్పష్టంగా వెల్లడించింది.
ఎస్‌బీఐ నేతృత్వంలోని బ్యాంకుల కన్సార్టియంకు సుమారు రూ.6,203 కోట్ల అసలు బకాయికి గాను, వడ్డీతో కలిపి దాదాపు రూ.15,000 కోట్లు రికవరీ అయ్యాయని, కాబట్టి తనపై ఉన్న కేసులను మూసివేయాలని మాల్యా తరఫు న్యాయవాదులు వాదిస్తున్నారు. అయితే, ఈ వాదనను ఈడీ తీవ్రంగా వ్యతిరేకించింది. బ్యాంకుల బకాయిల రికవరీ అనేది సివిల్ వ్యవహారమని, దాని ఆధారంగా క్రిమినల్ నేరం తీవ్రతను నిర్ణయించలేమని పేర్కొంది.
మనీలాండరింగ్ అనేది తీవ్రమైన ఆర్థిక నేరమని, దాని విచారణ కొనసాగాల్సిందేనని ఈడీ తెలిపింది. పీఎంఎల్ఏ చట్టంలోని సెక్షన్ 8(8) ప్రకారం, చట్టబద్ధమైన హక్కులున్న బ్యాంకులకు సుమారు రూ.14,131.60 కోట్ల విలువైన ఆస్తులను పునరుద్ధరించి అప్పగించామని వివరించింది. ఈ ఆస్తుల అప్పగింత అనేది బాధితులకు ఉపశమనం కలిగించే చర్య మాత్రమేనని, అంతమాత్రాన నేరం జరగలేదని లేదా క్రిమినల్ విచారణను నిలిపివేయాలని భావించరాదని స్పష్టం చేసింది.
మాల్యా 2016 నుంచి భారతదేశానికి తిరిగి రాకుండా తప్పించుకు తిరుగుతున్నారని, 2019లో ఆయనను 'పరారీలో ఉన్న ఆర్థిక నేరగాడు'గా ప్రకటించిన విషయాన్ని ఈడీ గుర్తుచేసింది. క్రిమినల్ కోర్టు అధికార పరిధికి ఆయన ఇప్పటికీ లొంగలేదని పేర్కొంది. ఈ నేపథ్యంలో భారత్‌కు తిరిగి వచ్చే ఉద్దేశం ఉందో? లేదో? స్పష్టం చేయాలని మాల్యాకు హైకోర్టు తుది అవకాశం ఇచ్చింది. ప్రస్తుతం ఈ పిటిషన్‌పై విచారణ కొనసాగుతోంది.
ఎస్‌బీఐ నేతృత్వంలోని బ్యాంకుల కన్సార్టియంకు సుమారు రూ.6,203 కోట్ల అసలు బకాయికి గాను, వడ్డీతో కలిపి దాదాపు రూ.15,000 కోట్లు రికవరీ అయ్యాయని, కాబట్టి తనపై ఉన్న కేసులను మూసివేయాలని మాల్యా తరఫు న్యాయవాదులు వాదిస్తున్నారు. అయితే, ఈ వాదనను ఈడీ తీవ్రంగా వ్యతిరేకించింది. బ్యాంకుల బకాయిల రికవరీ అనేది సివిల్ వ్యవహారమని, దాని ఆధారంగా క్రిమినల్ నేరం తీవ్రతను నిర్ణయించలేమని పేర్కొంది.
మనీలాండరింగ్ అనేది తీవ్రమైన ఆర్థిక నేరమని, దాని విచారణ కొనసాగాల్సిందేనని ఈడీ తెలిపింది. పీఎంఎల్ఏ చట్టంలోని సెక్షన్ 8(8) ప్రకారం, చట్టబద్ధమైన హక్కులున్న బ్యాంకులకు సుమారు రూ.14,131.60 కోట్ల విలువైన ఆస్తులను పునరుద్ధరించి అప్పగించామని వివరించింది. ఈ ఆస్తుల అప్పగింత అనేది బాధితులకు ఉపశమనం కలిగించే చర్య మాత్రమేనని, అంతమాత్రాన నేరం జరగలేదని లేదా క్రిమినల్ విచారణను నిలిపివేయాలని భావించరాదని స్పష్టం చేసింది.
మాల్యా 2016 నుంచి భారతదేశానికి తిరిగి రాకుండా తప్పించుకు తిరుగుతున్నారని, 2019లో ఆయనను 'పరారీలో ఉన్న ఆర్థిక నేరగాడు'గా ప్రకటించిన విషయాన్ని ఈడీ గుర్తుచేసింది. క్రిమినల్ కోర్టు అధికార పరిధికి ఆయన ఇప్పటికీ లొంగలేదని పేర్కొంది. ఈ నేపథ్యంలో భారత్‌కు తిరిగి వచ్చే ఉద్దేశం ఉందో? లేదో? స్పష్టం చేయాలని మాల్యాకు హైకోర్టు తుది అవకాశం ఇచ్చింది. ప్రస్తుతం ఈ పిటిషన్‌పై విచారణ కొనసాగుతోంది.
