తమిళనాడు సీఎం విజయ్, ప్రముఖ నటి త్రిష మరోసారి జంటగా కనిపించి అభిమానుల్లో ఆసక్తి రేపారు. ఇంగ్లండ్‌లోని సిల్వర్‌స్టోన్‌లో జరిగిన ప్రతిష్ఠాత్మక లే మాన్స్ రేసింగ్‌ ఈవెంట్‌లో వీరిద్దరూ కలిసి సందడి చేశారు. ఒకేచోట కూర్చుని రేసును వీక్షించడంతో, వీరి మధ్య ఉన్న రిలేషన్‌షిప్ గురించిన ఊహాగానాలకు మళ్లీ బలం చేకూరినట్లయింది.

వివరాల్లోకి వెళితే, నటుడు అజిత్ కుమార్ తన రేసింగ్ టీమ్‌తో కలిసి సెప్టెంబర్ 12న ఈ పోటీలో పాల్గొన్నారు. ఈ రేసును జెండా ఊపి ప్రారంభించేందుకు ముఖ్య అతిథిగా విజయ్ హాజరయ్యారు. అయితే, ఇదే కార్యక్రమానికి నటి త్రిష కూడా రావడం అందరినీ ఆశ్చర్యపరిచింది. విజయ్, అజిత్ ఉన్న టెంట్‌లోకి త్రిష వెళ్లడం, ఆ తర్వాత విజయ్, టీవీకే నేత ఆధవ్ అర్జునతో కలిసి గ్యాలరీలో కూర్చుని రేసును వీక్షించడం వంటి వీడియోలను అభిమానులు సోషల్ మీడియాలో పంచుకున్నారు. ఈ వీడియోలు ప్రస్తుతం వైరల్ అవుతున్నాయి.

ఈ సందర్భంగా త్రిష మెరూన్ రంగు లెదర్ జాకెట్, బ్లూ జీన్స్‌లో ఎంతో స్టైలిష్‌గా కనిపించారు. విజయ్ బ్రౌన్ జాకెట్, బ్లాక్ టీ-షర్ట్‌లో సింపుల్‌గా ఉన్నారు. ‘గిల్లి’, ‘లియో’ సహా పలు చిత్రాల్లో కలిసి నటించిన విజయ్, త్రిష మధ్య వ్యక్తిగత సంబంధంపై గతంలోనూ సోషల్ మీడియాలో ఊహాగానాలు వెలువడ్డాయి. తాజాగా సిల్వర్‌స్టోన్‌లో ఇద్దరూ ఒకే కార్యక్రమంలో కనిపించడం, కలిసి రేసును వీక్షించిన దృశ్యాలు వైరల్ కావడంతో ఆ చర్చ మరోసారి తెరపైకి వచ్చింది. అయితే, తమ మధ్య ఉన్న సంబంధంపై విజయ్ గానీ, త్రిష గానీ ఇప్పటివరకు ఎలాంటి అధికారిక ప్రకటన చేయలేదు.