- టీమిండియా మేనేజ్‌మెంట్‌పై మాజీ చీఫ్ సెలెక్టర్ శ్రీకాంత్ ఆగ్రహం
- జింబాబ్వే సిరీస్ హీరో వైభవ్ సూర్యవంశీని పక్కనపెట్టడంపై విమర్శలు
- సంజూ శాంసన్ కెరీర్‌తో యాజమాన్యం ఆడుకుంటోందని ఆరోపణ
- ఆటగాళ్లకు వరుస అవకాశాలు ఇవ్వాలని మేనేజ్‌మెంట్‌కు సూచన
- తప్పుడు సంకేతాలతో ఆటగాళ్ల ఆత్మవిశ్వాసాన్ని దెబ్బతీయొద్దని హితవు
భారత మాజీ క్రికెటర్, బీసీసీఐ మాజీ చీఫ్ సెలెక్టర్ కృష్ణమాచారి శ్రీకాంత్.. టీమిండియా మేనేజ్‌మెంట్‌పై తీవ్ర స్థాయిలో విరుచుకుపడ్డాడు. ఆఫ్ఘనిస్థాన్‌తో ఆదివారం జరిగిన తొలి టీ20లో 15 ఏళ్ల యువ సంచలనం వైభవ్ సూర్యవంశీని తుది జట్టు నుంచి తప్పించడంపై తీవ్ర ఆగ్రహం వ్యక్తం చేశాడు.
గత జింబాబ్వే సిరీస్‌లో 'ప్లేయర్ ఆఫ్ ది సిరీస్'గా నిలిచిన సూర్యవంశీని కాదని, అతని స్థానంలో సంజూ శాంసన్‌ను ఆడించడంపై శ్రీకాంత్ మండిపడ్డాడు. ఈ నిర్ణయం సరైంది కాదంటూ గౌతమ్ గంభీర్, శ్రేయస్ అయ్యర్ నేతృత్వంలోని జట్టు యాజమాన్యం తీరును తప్పుబట్టాడు.
తన యూట్యూబ్ ఛానల్‌లో మాట్లాడుతూ ఈ విషయంపై శ్రీకాంత్ ఆసక్తికర వ్యాఖ్యలు చేశాడు. "నిన్న మ్యాచ్‌లో సూర్యవంశీ ఆడకపోవడంతో మేం సినిమా చూడటం మొదలుపెట్టాం. గత సిరీస్‌లో అద్భుతంగా ఆడిన ఆటగాడిని ఎందుకు ఆడించలేదని మా ఆవిడ నాతో వాదించింది. నా భార్య కూడా ఈ ఎంపికను ప్రశ్నిస్తుందంటే పరిస్థితి అర్థం చేసుకోవచ్చు" అని అన్నాడు.
"మీరు సూర్యవంశీ విషయంలో సరిగ్గా వ్యవహరించడం లేదు. ఒకవేళ తర్వాతి మ్యాచ్‌లో అతనికి అవకాశం ఇచ్చినా.. పరుగులు చేయకపోతే మళ్లీ తొలగిస్తారేమోనన్న అనుమానంతోనే ఆడతాడు. ఇలాంటి నిర్ణయాలతో ఆటగాళ్ల మనసులో అనవసరమైన సందేహాలు సృష్టిస్తున్నారు" అని శ్రీకాంత్ పేర్కొన్నాడు.
దులీప్ ట్రోఫీ, టీ20లు, ఇండియా-ఏ, ఐపీఎల్ ఇలా అన్ని స్థాయిల్లో పరుగులు చేసిన ఆటగాడిని ప్రోత్సహించాలని, ఇలా పక్కనపెట్టడం ద్వారా తప్పుడు సంకేతాలు పంపుతున్నారని శ్రీకాంత్ విమర్శించాడు. ఇదే సమయంలో సంజూ శాంసన్ విషయంలోనూ జట్టు యాజమాన్యం తీరుపై అసహనం వ్యక్తం చేశాడు.
"ఈ టీమ్ మేనేజ్‌మెంట్ సంజూ శాంసన్ కెరీర్‌తో ఆడుకుంటోంది. అతడిని చూస్తే జాలి వేస్తోంది. 2026 టీ20 ప్రపంచకప్‌లో 'ప్లేయర్ ఆఫ్ ది టోర్నమెంట్' అయినా, ఫామ్ కోల్పోయాడనే కారణంతో పదేపదే జట్టులోంచి తీసివేయడం సరికాదు" అని అన్నాడు.
ఒక ఆటగాడికి వరుసగా అవకాశాలు ఇచ్చి, అప్పటికీ విఫలమైతే పక్కన పెట్టాలని, అంతేకానీ ఒకరికి రెండు మ్యాచ్‌లు, మరొకరికి రెండు మ్యాచ్‌లు ఇవ్వడం ఏ ఆటగాడి ఆత్మవిశ్వాసానికీ మంచిది కాదని శ్రీకాంత్ స్పష్టం చేశాడు. తొలి టీ20లో శాంసన్ విఫలమవడం, సూర్యవంశీ బెంచ్‌కే పరిమితం కావడంతో.. మంగళవారం జరిగే రెండో టీ20లో ఎవరికి అవకాశం దక్కుతుందనేది ఆసక్తికరంగా మారింది.
గత జింబాబ్వే సిరీస్‌లో 'ప్లేయర్ ఆఫ్ ది సిరీస్'గా నిలిచిన సూర్యవంశీని కాదని, అతని స్థానంలో సంజూ శాంసన్‌ను ఆడించడంపై శ్రీకాంత్ మండిపడ్డాడు. ఈ నిర్ణయం సరైంది కాదంటూ గౌతమ్ గంభీర్, శ్రేయస్ అయ్యర్ నేతృత్వంలోని జట్టు యాజమాన్యం తీరును తప్పుబట్టాడు.
తన యూట్యూబ్ ఛానల్‌లో మాట్లాడుతూ ఈ విషయంపై శ్రీకాంత్ ఆసక్తికర వ్యాఖ్యలు చేశాడు. "నిన్న మ్యాచ్‌లో సూర్యవంశీ ఆడకపోవడంతో మేం సినిమా చూడటం మొదలుపెట్టాం. గత సిరీస్‌లో అద్భుతంగా ఆడిన ఆటగాడిని ఎందుకు ఆడించలేదని మా ఆవిడ నాతో వాదించింది. నా భార్య కూడా ఈ ఎంపికను ప్రశ్నిస్తుందంటే పరిస్థితి అర్థం చేసుకోవచ్చు" అని అన్నాడు.
"మీరు సూర్యవంశీ విషయంలో సరిగ్గా వ్యవహరించడం లేదు. ఒకవేళ తర్వాతి మ్యాచ్‌లో అతనికి అవకాశం ఇచ్చినా.. పరుగులు చేయకపోతే మళ్లీ తొలగిస్తారేమోనన్న అనుమానంతోనే ఆడతాడు. ఇలాంటి నిర్ణయాలతో ఆటగాళ్ల మనసులో అనవసరమైన సందేహాలు సృష్టిస్తున్నారు" అని శ్రీకాంత్ పేర్కొన్నాడు.
దులీప్ ట్రోఫీ, టీ20లు, ఇండియా-ఏ, ఐపీఎల్ ఇలా అన్ని స్థాయిల్లో పరుగులు చేసిన ఆటగాడిని ప్రోత్సహించాలని, ఇలా పక్కనపెట్టడం ద్వారా తప్పుడు సంకేతాలు పంపుతున్నారని శ్రీకాంత్ విమర్శించాడు. ఇదే సమయంలో సంజూ శాంసన్ విషయంలోనూ జట్టు యాజమాన్యం తీరుపై అసహనం వ్యక్తం చేశాడు.
"ఈ టీమ్ మేనేజ్‌మెంట్ సంజూ శాంసన్ కెరీర్‌తో ఆడుకుంటోంది. అతడిని చూస్తే జాలి వేస్తోంది. 2026 టీ20 ప్రపంచకప్‌లో 'ప్లేయర్ ఆఫ్ ది టోర్నమెంట్' అయినా, ఫామ్ కోల్పోయాడనే కారణంతో పదేపదే జట్టులోంచి తీసివేయడం సరికాదు" అని అన్నాడు.
ఒక ఆటగాడికి వరుసగా అవకాశాలు ఇచ్చి, అప్పటికీ విఫలమైతే పక్కన పెట్టాలని, అంతేకానీ ఒకరికి రెండు మ్యాచ్‌లు, మరొకరికి రెండు మ్యాచ్‌లు ఇవ్వడం ఏ ఆటగాడి ఆత్మవిశ్వాసానికీ మంచిది కాదని శ్రీకాంత్ స్పష్టం చేశాడు. తొలి టీ20లో శాంసన్ విఫలమవడం, సూర్యవంశీ బెంచ్‌కే పరిమితం కావడంతో.. మంగళవారం జరిగే రెండో టీ20లో ఎవరికి అవకాశం దక్కుతుందనేది ఆసక్తికరంగా మారింది.
