అమెరికా తర్వాతి అధ్యక్షుడికీ ఇరాన్‌ సమస్య తప్పకపోవచ్చని అంచనా
ఆర్థిక ఆంక్షలు, సైనిక దాడులు కొనసాగొచ్చని మెక్‌గర్క్‌ వ్యాఖ్య
దౌత్యం, సైనిక ఒత్తిడి రెండూ కొనసాగిస్తున్న అమెరికా
గల్ఫ్‌ ఇంధన సరఫరాలపై యుద్ధ ప్రభావం
అమెరికా ఎన్నికల్లో కీలక అంశంగా మారుతున్న ఇరాన్‌ యుద్ధం
ఆర్థిక ఆంక్షలు, సైనిక దాడులు కొనసాగొచ్చని మెక్‌గర్క్‌ వ్యాఖ్య
దౌత్యం, సైనిక ఒత్తిడి రెండూ కొనసాగిస్తున్న అమెరికా
గల్ఫ్‌ ఇంధన సరఫరాలపై యుద్ధ ప్రభావం
అమెరికా ఎన్నికల్లో కీలక అంశంగా మారుతున్న ఇరాన్‌ యుద్ధం
అమెరికా-ఇరాన్‌ మధ్య కొనసాగుతున్న ఘర్షణ ఇప్పట్లో ముగిసేలా కనిపించడం లేదని గతంలో అమెరికా ప్రభుత్వం పనిచేసిన కీలక అధికారి బ్రెట్‌ మెక్‌గర్క్‌ అంచనా వేశారు. ఈ పోరు అమెరికా అధ్యక్షుడు డొనాల్డ్‌ ట్రంప్‌ పదవీకాలం ముగిసే వరకు కొనసాగొచ్చని, ఆ తర్వాత వచ్చే అధ్యక్షుడికీ ఇరాన్‌ సమస్య అలాగే మిగిలే అవకాశం ఉందని ఆయన చెప్పారు. ఇరాన్‌తో పూర్తిస్థాయి ఒప్పందానికి ప్రస్తుతం స్పష్టమైన మార్గం కనిపించడం లేదన్నారు.
ఇరాన్‌పై ఆర్థిక ఆంక్షలు, అప్పుడప్పుడు సైనిక దాడులు, మధ్యంతర కాల్పుల విరమణ ఒప్పందాలు కొనసాగే అవకాశముందని మెక్‌గర్క్‌ తెలిపారు. ఇరాన్‌ రాజకీయ వ్యవస్థలో పెద్ద మార్పు వస్తే తప్ప ఈ సమస్యకు శాశ్వత పరిష్కారం కష్టమని అభిప్రాయపడ్డారు. అణు అంశంపై ఒప్పందం కుదరడం కూడా మరింత కష్టమేనన్నారు.
ట్రంప్‌ ప్రభుత్వం మాత్రం దౌత్య చర్చలు, సైనిక ఒత్తిడి రెండింటినీ కొనసాగిస్తోంది. ఇరాన్‌ అణ్వాయుధాలు పొందకుండా అడ్డుకోవడమే లక్ష్యమని అమెరికా ఇంధన మంత్రి క్రిస్‌ రైట్‌ చెప్పారు. అవసరమైతే సైనిక చర్యకు సిద్ధంగా ఉంటూనే చర్చల మార్గాన్ని కూడా తెరిచి ఉంచామని తెలిపారు.
గల్ఫ్‌ ప్రాంతంలో ఇంధన మౌలిక వసతులపై దాడుల ముప్పు ఉండటంతో అమెరికా ఇంధన సరఫరాలపై ఆందోళన కొనసాగుతోంది. ఈ యుద్ధం వల్ల చమురు, గ్యాస్‌ ధరలు పెరిగే ప్రమాదం ఉందని రైట్‌ అంగీకరించారు. అయితే హర్మూజ్‌ జలసంధి నుంచి చమురు సరఫరా పెరగడం, అమెరికాలో పెట్రోల్‌ ఉత్పత్తి రికార్డు స్థాయిలో ఉండటం వల్ల రానున్న వారాల్లో పెట్రోల్‌, డీజిల్‌ ధరలు తగ్గొచ్చని ఆయన అంచనా వేశారు.
ఇటీవల గల్ఫ్‌ ప్రాంతంలో ఉద్రిక్తతలు పెరగడంతో చమురు మార్కెట్‌పై కూడా ప్రభావం పడింది. అక్టోబర్‌ 1న బ్రెంట్‌ క్రూడ్‌ ధర నాలుగు శాతానికి పైగా పెరిగి బ్యారెల్‌కు 102.31 డాలర్లకు చేరింది. ఇరాన్‌ నుంచి మరిన్ని దాడులు జరిగే అవకాశం ఉందన్న భయాలు మార్కెట్‌పై ఒత్తిడి పెంచుతున్నాయి.
అమెరికాలో ఈ యుద్ధం రాజకీయంగానూ చర్చనీయాంశంగా మారింది. ఇంధన ధరల పెరుగుదలపై ప్రజల్లో ఆందోళన పెరుగుతున్న వేళ నవంబర్‌ మధ్యంతర ఎన్నికలు సమీపిస్తున్నాయి. తాజా సీబీఎస్‌ పోలింగ్‌లో 10 మందిలో తొమ్మిది మంది ఇరాన్‌ ఘర్షణ వల్ల అమెరికాలో పెట్రోల్‌, చమురు ధరలు పెరిగాయని భావిస్తున్నట్లు వెల్లడైంది.
ఇరాన్‌పై ఆర్థిక ఆంక్షలు, అప్పుడప్పుడు సైనిక దాడులు, మధ్యంతర కాల్పుల విరమణ ఒప్పందాలు కొనసాగే అవకాశముందని మెక్‌గర్క్‌ తెలిపారు. ఇరాన్‌ రాజకీయ వ్యవస్థలో పెద్ద మార్పు వస్తే తప్ప ఈ సమస్యకు శాశ్వత పరిష్కారం కష్టమని అభిప్రాయపడ్డారు. అణు అంశంపై ఒప్పందం కుదరడం కూడా మరింత కష్టమేనన్నారు.
ట్రంప్‌ ప్రభుత్వం మాత్రం దౌత్య చర్చలు, సైనిక ఒత్తిడి రెండింటినీ కొనసాగిస్తోంది. ఇరాన్‌ అణ్వాయుధాలు పొందకుండా అడ్డుకోవడమే లక్ష్యమని అమెరికా ఇంధన మంత్రి క్రిస్‌ రైట్‌ చెప్పారు. అవసరమైతే సైనిక చర్యకు సిద్ధంగా ఉంటూనే చర్చల మార్గాన్ని కూడా తెరిచి ఉంచామని తెలిపారు.
గల్ఫ్‌ ప్రాంతంలో ఇంధన మౌలిక వసతులపై దాడుల ముప్పు ఉండటంతో అమెరికా ఇంధన సరఫరాలపై ఆందోళన కొనసాగుతోంది. ఈ యుద్ధం వల్ల చమురు, గ్యాస్‌ ధరలు పెరిగే ప్రమాదం ఉందని రైట్‌ అంగీకరించారు. అయితే హర్మూజ్‌ జలసంధి నుంచి చమురు సరఫరా పెరగడం, అమెరికాలో పెట్రోల్‌ ఉత్పత్తి రికార్డు స్థాయిలో ఉండటం వల్ల రానున్న వారాల్లో పెట్రోల్‌, డీజిల్‌ ధరలు తగ్గొచ్చని ఆయన అంచనా వేశారు.
ఇటీవల గల్ఫ్‌ ప్రాంతంలో ఉద్రిక్తతలు పెరగడంతో చమురు మార్కెట్‌పై కూడా ప్రభావం పడింది. అక్టోబర్‌ 1న బ్రెంట్‌ క్రూడ్‌ ధర నాలుగు శాతానికి పైగా పెరిగి బ్యారెల్‌కు 102.31 డాలర్లకు చేరింది. ఇరాన్‌ నుంచి మరిన్ని దాడులు జరిగే అవకాశం ఉందన్న భయాలు మార్కెట్‌పై ఒత్తిడి పెంచుతున్నాయి.
అమెరికాలో ఈ యుద్ధం రాజకీయంగానూ చర్చనీయాంశంగా మారింది. ఇంధన ధరల పెరుగుదలపై ప్రజల్లో ఆందోళన పెరుగుతున్న వేళ నవంబర్‌ మధ్యంతర ఎన్నికలు సమీపిస్తున్నాయి. తాజా సీబీఎస్‌ పోలింగ్‌లో 10 మందిలో తొమ్మిది మంది ఇరాన్‌ ఘర్షణ వల్ల అమెరికాలో పెట్రోల్‌, చమురు ధరలు పెరిగాయని భావిస్తున్నట్లు వెల్లడైంది.
