- సెలక్షన్‌ కమిటీలో కొత్త సభ్యుడిగా రమేశ్‌ పొవార్
- సీఏసీ ఏకగ్రీవంగా పొవార్ పేరు సిఫారసు
- ఐదుగురు సభ్యులతో సెలక్షన్‌ కమిటీ ఏర్పాటు
- పొవార్ భారత్‌ తరఫున రెండు టెస్టులు, 31 వన్డేలు
- భారత మహిళల జట్టుకు ప్రధాన కోచ్‌గా పనిచేసిన పొవార్
భారత క్రికెట్‌ నియంత్రణ మండలి (బీసీసీఐ) పురుషుల జట్టు సెలక్షన్‌ కమిటీలో కీలక మార్పులు చేసింది. చీఫ్‌ సెలెక్టర్‌గా ప్రజ్ఞాన్‌ ఓజాను నియమించగా, మాజీ క్రికెటర్‌ రమేశ్‌ పొవార్‌కు కమిటీలో చోటు కల్పించింది. అజిత్‌ అగార్కర్ ఈ పదవి నుంచి తప్పుకొన్న నేపథ్యంలో సెలక్షన్‌ కమిటీ కొత్త కూర్పును బీసీసీఐ ప్రకటించింది.
బీసీసీఐ సోమవారం విడుదల చేసిన అధికారిక ప్రకటన ప్రకారం.. క్రికెట్‌ అడ్వైజరీ కమిటీ (సీఏసీ) రమేశ్‌ పొవార్ నియామకాన్ని ఏకగ్రీవంగా సిఫారసు చేసింది. అశోక్‌ మల్హోత్రా, జతిన్‌ పరాంజపేలతో కూడిన సీఏసీ.. దరఖాస్తులను పరిశీలించి, బీసీసీఐ ప్రధాన కార్యాలయంలో అభ్యర్థులకు ఇంటర్వ్యూలు నిర్వహించిన తర్వాత ఈ నిర్ణయం తీసుకుంది.
టెస్టు మ్యాచ్‌ల్లో ఆడిన మ్యాచ్‌ల సంఖ్య ఆధారంగా సీనియారిటీని పరిగణనలోకి తీసుకుని ప్రజ్ఞాన్‌ ఓజా సెలక్షన్‌ కమిటీకి అధ్యక్షత వహించనున్నాడు. ఐదుగురు సభ్యులతో కూడిన ఈ కమిటీలో శివ్‌ సుందర్‌ దాస్‌, ఆర్పీ సింగ్‌, అజయ్‌ రాత్రాతో పాటు రమేశ్‌ పొవార్ సభ్యులుగా కొనసాగనున్నారు.
రమేశ్‌ పొవార్ భారత జట్టు తరఫున రెండు టెస్టులు, 31 వన్డేలు ఆడాడు. ఆటగాడిగా కెరీర్‌ ముగిసిన తర్వాత కోచ్‌గా సేవలందించాడు. భారత మహిళల జట్టుకు ప్రధాన కోచ్‌గా పనిచేయడంతో పాటు ముంబై, గుజరాత్‌ జట్లకు కోచింగ్‌ బాధ్యతలు నిర్వహించాడు. బీసీసీఐ సెంటర్‌ ఆఫ్‌ ఎక్సలెన్స్‌లో బౌలింగ్‌ కోచ్‌గానూ పనిచేశాడు. పొవార్ కోచ్‌గా ఉన్న సమయంలో భారత మహిళల జట్టు ఆసియా కప్‌ టైటిల్‌ గెలుచుకోవడంతో పాటు కామన్వెల్త్‌ క్రీడల్లో రజత పతకం సాధించింది.
మరోవైపు, చీఫ్‌ సెలెక్టర్‌గా పనిచేసిన అజిత్‌ అగార్కర్ సేవలను బీసీసీఐ ప్రశంసించింది. 2023 జులైలో బాధ్యతలు చేపట్టిన అగార్కర్ పదవీకాలంలో భారత జట్టు మూడు ఐసీసీ ట్రోఫీలు, రెండు ఆసియా కప్‌ టైటిళ్లు గెలిచిందని తెలిపింది. ఆసియా క్రీడల్లో వరుసగా రెండు స్వర్ణ పతకాలు సాధించిన విజయాల్లోనూ ఆయన పదవీకాలం కీలకంగా నిలిచింది.
పురుషుల జట్టు సెలక్షన్‌ కమిటీ సభ్యులు:
బీసీసీఐ సోమవారం విడుదల చేసిన అధికారిక ప్రకటన ప్రకారం.. క్రికెట్‌ అడ్వైజరీ కమిటీ (సీఏసీ) రమేశ్‌ పొవార్ నియామకాన్ని ఏకగ్రీవంగా సిఫారసు చేసింది. అశోక్‌ మల్హోత్రా, జతిన్‌ పరాంజపేలతో కూడిన సీఏసీ.. దరఖాస్తులను పరిశీలించి, బీసీసీఐ ప్రధాన కార్యాలయంలో అభ్యర్థులకు ఇంటర్వ్యూలు నిర్వహించిన తర్వాత ఈ నిర్ణయం తీసుకుంది.
టెస్టు మ్యాచ్‌ల్లో ఆడిన మ్యాచ్‌ల సంఖ్య ఆధారంగా సీనియారిటీని పరిగణనలోకి తీసుకుని ప్రజ్ఞాన్‌ ఓజా సెలక్షన్‌ కమిటీకి అధ్యక్షత వహించనున్నాడు. ఐదుగురు సభ్యులతో కూడిన ఈ కమిటీలో శివ్‌ సుందర్‌ దాస్‌, ఆర్పీ సింగ్‌, అజయ్‌ రాత్రాతో పాటు రమేశ్‌ పొవార్ సభ్యులుగా కొనసాగనున్నారు.
రమేశ్‌ పొవార్ భారత జట్టు తరఫున రెండు టెస్టులు, 31 వన్డేలు ఆడాడు. ఆటగాడిగా కెరీర్‌ ముగిసిన తర్వాత కోచ్‌గా సేవలందించాడు. భారత మహిళల జట్టుకు ప్రధాన కోచ్‌గా పనిచేయడంతో పాటు ముంబై, గుజరాత్‌ జట్లకు కోచింగ్‌ బాధ్యతలు నిర్వహించాడు. బీసీసీఐ సెంటర్‌ ఆఫ్‌ ఎక్సలెన్స్‌లో బౌలింగ్‌ కోచ్‌గానూ పనిచేశాడు. పొవార్ కోచ్‌గా ఉన్న సమయంలో భారత మహిళల జట్టు ఆసియా కప్‌ టైటిల్‌ గెలుచుకోవడంతో పాటు కామన్వెల్త్‌ క్రీడల్లో రజత పతకం సాధించింది.
మరోవైపు, చీఫ్‌ సెలెక్టర్‌గా పనిచేసిన అజిత్‌ అగార్కర్ సేవలను బీసీసీఐ ప్రశంసించింది. 2023 జులైలో బాధ్యతలు చేపట్టిన అగార్కర్ పదవీకాలంలో భారత జట్టు మూడు ఐసీసీ ట్రోఫీలు, రెండు ఆసియా కప్‌ టైటిళ్లు గెలిచిందని తెలిపింది. ఆసియా క్రీడల్లో వరుసగా రెండు స్వర్ణ పతకాలు సాధించిన విజయాల్లోనూ ఆయన పదవీకాలం కీలకంగా నిలిచింది.
పురుషుల జట్టు సెలక్షన్‌ కమిటీ సభ్యులు:
- ప్రజ్ఞాన్‌ ఓజా - ఛైర్‌పర్సన్‌
- శివ్‌ సుందర్‌ దాస్‌ - సభ్యుడు
- ఆర్పీ సింగ్‌ - సభ్యుడు
- అజయ్‌ రాత్రా - సభ్యుడు
- రమేశ్‌ పొవార్ - సభ్యుడు
