అందరి జీవితాల్లో సుఖసంతోషాలు, విజయాలు నిండిపోవాలి..తెలుగు ప్రజలకు ప్రధాని మోదీ విజయదశమి శుభాకాంక్షలు

విజయదశమి పర్వదినం సందర్భంగా దేశ ప్రజలకు ప్రధానమంత్రి నరేంద్ర మోదీ శుభాకాంక్షలు తెలిపారు. చెడుపై మంచి సాధించిన విజయానికి ప్రతీకగా జరుపుకునే ఈ పండుగ, ప్రతి ఒక్కరి జీవితాల్లో సుఖసంతోషాలను, సౌభాగ్యాన్ని నింపాలని ఆయన ఆకాంక్షించారు. ఈ మేరకు మంగళవారం ఉదయం సోషల్ మీడియా వేదిక 'ఎక్స్' ద్వారా ఆయన తన సందేశాన్ని పంచుకున్నారు.

విజయం, ఉత్సాహం, ఆత్మవిశ్వాసాలకు విజయదశమి నిదర్శనమని ప్రధాని తన పోస్ట్‌లో పేర్కొన్నారు. ఈ పండుగ ప్రతి ఒక్కరి సంకల్ప బలానికి నూతన ఉత్తేజాన్ని అందించాలని ఆయన మనస్ఫూర్తిగా కోరుకున్నారు.

తన సందేశంలో ప్రధాని స్పందిస్తూ.. “విజయం, ఉత్సాహం, ఆత్మవిశ్వాసానికి ప్రతీక అయిన ఈ విజయదశమి పండుగ ప్రతి ఒక్కరి సంకల్పానికి నూతన శక్తిని అందించాలని ఆకాంక్షిస్తున్నాను. మీ అందరి జీవితాలు సుఖసంతోషాలు, సౌభాగ్యం, విజయాలతో నిండిపోవాలని మనస్ఫూర్తిగా కోరుకుంటున్నాను” అని పేర్కొన్నారు. ప్రధాని చేసిన ఈ పోస్ట్‌కు నెటిజన్లు పెద్ద ఎత్తున స్పందిస్తూ, ఆయనకు కూడా విజయదశమి శుభాకాంక్షలు తెలియజేస్తున్నారు.