- ఢిల్లీలో ప్రియాంక గాంధీ కుమారుడు రైహాన్ వాద్రా ఫోటో ఎగ్జిబిషన్‌పై వివాదం
- ప్రదర్శన నుంచి 74 ఫోటోలను తొలగించిన నిర్వాహకులు
- ఇది సెన్సార్‌షిప్ అని మండిపడ్డ కాంగ్రెస్, ప్రియాంక గాంధీ
- పూర్తి ప్రదర్శనను కేరళలో నిర్వహించాలని రైహాన్‌కు సీఎం సతీశన్ ఆహ్వానం
కాంగ్రెస్ ఎంపీ ప్రియాంక గాంధీ వాద్రా కుమారుడు రైహాన్ వాద్రా ఏర్పాటు చేసిన ఫోటో ఎగ్జిబిషన్‌పై ఢిల్లీలో వివాదం నెలకొనగా, కేరళ ప్రతిపక్ష నేత వి.డి. సతీశన్ ఆయనకు అండగా నిలిచారు. ఎటువంటి ఆంక్షలు లేకుండా ఈ ప్రదర్శనను పూర్తిస్థాయిలో తమ రాష్ట్రంలో నిర్వహించుకోవచ్చని ఆయన రైహాన్‌ను ఆహ్వానించారు.
ఢిల్లీలోని బికనీర్ హౌస్‌లో రైహాన్ వాద్రా ‘నో ఐడియా ఈజ్ ఫైనల్’ పేరిట ఒక ఫోటోగ్రఫీ ప్రదర్శనను ఏర్పాటు చేశారు. అయితే, ప్రదర్శన ప్రారంభానికి కొన్ని గంటల ముందే, అందులో ఉంచిన మొత్తం 105 చిత్రాలలో 74 చిత్రాలను నిర్వాహకులు తొలగించారు. యువత నిరసనలు, రాహుల్ గాంధీ, ప్రియాంక గాంధీలకు సంబంధించిన ఛాయాచిత్రాలతో పాటు, జాతీయ జెండా ఉన్న కొన్ని చిత్రాలను కూడా ప్రదర్శన నుండి తొలగించడం వివాదానికి దారితీసింది.
ఈ ఘటనపై కాంగ్రెస్ పార్టీ తీవ్రంగా స్పందించింది. ఇది కళా స్వేచ్ఛపై జరుగుతున్న దాడి అని, అప్రకటిత సెన్సార్‌షిప్ అని ఆరోపించింది. తన కుమారుడికి మద్దతుగా ప్రియాంక గాంధీ కూడా ‘ఎక్స్’ వేదికగా స్పందించారు. మరోవైపు, రాజకీయపరమైన చిత్రాలను అనుమతించకూడదనేది తమ సంస్థ నిబంధన అని బికనీర్ హౌస్ మేనేజ్‌మెంట్ సొసైటీ స్పష్టం చేసింది. ఈ వివాదంపై బీజేపీ స్పందిస్తూ, రైహాన్‌ను రాజకీయాల్లోకి తీసుకువచ్చేందుకే కాంగ్రెస్ ఇదంతా చేస్తోందని విమర్శించింది.
ఈ పరిణామాల నేపథ్యంలో, కేరళ ప్రతిపక్ష నేత వి.డి. సతీశన్ గురువారం సాయంత్రం స్పందించారు. "రైహాన్ వాద్రా ప్రదర్శనను ఎటువంటి ఆంక్షలు లేకుండా సంపూర్ణంగా కేరళలో నిర్వహించుకోవచ్చని, అందుకు తాము సిద్ధంగా ఉన్నామని, అది తమకు గర్వకారణమని" ఆయన ‘ఎక్స్’ వేదికగా ప్రకటించారు.
ఢిల్లీలోని బికనీర్ హౌస్‌లో రైహాన్ వాద్రా ‘నో ఐడియా ఈజ్ ఫైనల్’ పేరిట ఒక ఫోటోగ్రఫీ ప్రదర్శనను ఏర్పాటు చేశారు. అయితే, ప్రదర్శన ప్రారంభానికి కొన్ని గంటల ముందే, అందులో ఉంచిన మొత్తం 105 చిత్రాలలో 74 చిత్రాలను నిర్వాహకులు తొలగించారు. యువత నిరసనలు, రాహుల్ గాంధీ, ప్రియాంక గాంధీలకు సంబంధించిన ఛాయాచిత్రాలతో పాటు, జాతీయ జెండా ఉన్న కొన్ని చిత్రాలను కూడా ప్రదర్శన నుండి తొలగించడం వివాదానికి దారితీసింది.
ఈ ఘటనపై కాంగ్రెస్ పార్టీ తీవ్రంగా స్పందించింది. ఇది కళా స్వేచ్ఛపై జరుగుతున్న దాడి అని, అప్రకటిత సెన్సార్‌షిప్ అని ఆరోపించింది. తన కుమారుడికి మద్దతుగా ప్రియాంక గాంధీ కూడా ‘ఎక్స్’ వేదికగా స్పందించారు. మరోవైపు, రాజకీయపరమైన చిత్రాలను అనుమతించకూడదనేది తమ సంస్థ నిబంధన అని బికనీర్ హౌస్ మేనేజ్‌మెంట్ సొసైటీ స్పష్టం చేసింది. ఈ వివాదంపై బీజేపీ స్పందిస్తూ, రైహాన్‌ను రాజకీయాల్లోకి తీసుకువచ్చేందుకే కాంగ్రెస్ ఇదంతా చేస్తోందని విమర్శించింది.
ఈ పరిణామాల నేపథ్యంలో, కేరళ ప్రతిపక్ష నేత వి.డి. సతీశన్ గురువారం సాయంత్రం స్పందించారు. "రైహాన్ వాద్రా ప్రదర్శనను ఎటువంటి ఆంక్షలు లేకుండా సంపూర్ణంగా కేరళలో నిర్వహించుకోవచ్చని, అందుకు తాము సిద్ధంగా ఉన్నామని, అది తమకు గర్వకారణమని" ఆయన ‘ఎక్స్’ వేదికగా ప్రకటించారు.
