- పంజాబ్‌కు చెందిన ఓ మహిళకు రూ. కోటి లాటరీ
- పిల్లలకు బట్టలు కొనేందుకు వెళ్లి లాటరీ టికెట్ కొనుగోలు
- కేవలం రూ.7 టికెట్‌తో మారిన కూలీ భార్య జీవితం
- వచ్చిన డబ్బుతో చిన్న వ్యాపారం చేసే యోచనలో కుటుంబం
అదృష్టం ఎప్పుడు, ఎవరిని, ఎలా వరిస్తుందో చెప్పలేం. పంజాబ్‌కు చెందిన ఓ నిరుపేద మహిళ విషయంలో ఇది అక్షరాలా నిజమైంది. పిల్లల కోసం బట్టలు కొనడానికి బజారుకు వెళ్లిన ఆమె, కేవలం 7 రూపాయలతో కొన్న లాటరీ టిక్కెట్‌తో రాత్రికి రాత్రే కోటీశ్వరురాలయ్యారు. ఈ సంఘటన పంజాబ్‌లోని కోట్‌కపురాలో చోటుచేసుకుంది.
వివరాల్లోకి వెళితే.. కోట్‌కపురాకు చెందిన బిమ్లా దేవి భర్త ఓ దినసరి కూలీ. ఆయన సంపాదనతోనే వారి కుటుంబం గడుస్తోంది. ఇటీవల బిమ్లా దేవి తన పిల్లల కోసం బట్టలు కొనేందుకు మార్కెట్‌కు వెళ్లారు. ఆ సమయంలో రైల్వే రోడ్డులోని రైల్వే స్టేషన్ సమీపంలో ఉన్న స్టార్ లాటరీ స్టాల్ వద్ద సరదాగా ఓ టికెట్ కొనుగోలు చేశారు. సిక్కిం ప్రభుత్వం నిర్వహించే ఈ లాటరీకి ఆమె పెట్టింది కేవలం 7 రూపాయలే. ఆ టికెట్ తన జీవితాన్నే మార్చేస్తుందని ఆమె ఊహించలేదు.
మరుసటి రోజు లాటరీ ఫలితాలు వెలువడ్డాయి. బిమ్లా దేవికి కోటి రూపాయల బహుమతి తగిలిందని లాటరీ స్టాల్ నిర్వాహకుడు నరేశ్‌ మోంగా స్వయంగా ఫోన్ చేసి శుభవార్త చెప్పారు. ఈ వార్త విన్న ఆ కుటుంబం ఆనందంతో ఉబ్బితబ్బిబ్బైంది. వెంటనే లాటరీ స్టాల్ వద్దకు పరుగెత్తుకెళ్లారు. అక్కడ నరేశ్‌ వారికి స్వీట్లు తినిపించి సంబరాలు జరిపారు. కుటుంబ సభ్యులు ఆనందంతో భాంగ్రా నృత్యం చేస్తూ తమ సంతోషాన్ని పంచుకున్నారు.
ఈ గెలుపు తమ జీవితంలో కొత్త ఆశలు నింపిందని బిమ్లా దేవి ఆనందం వ్యక్తం చేశారు. కూలీగా వచ్చే సంపాదనతో ఇల్లు గడవడం చాలా కష్టంగా ఉండేదని, ఆర్థిక ఇబ్బందులతో సతమతమయ్యామని ఆమె తెలిపారు. ఈ డబ్బు తమ పిల్లల భవిష్యత్తుకు గొప్ప భరోసా ఇస్తుందని చెప్పారు. గెలిచిన డబ్బుతో ఏం చేయాలనే దానిపై ఇంకా పూర్తి నిర్ణయం తీసుకోలేదని, కుటుంబ సభ్యులతో చర్చించి తమ ఆర్థిక పరిస్థితిని మెరుగుపర్చుకునేందుకు ఏదైనా చిన్న వ్యాపారం ప్రారంభించాలని ఆలోచిస్తున్నట్లు వివరించారు.
గత ఆరు నెలలుగా ఈ లాటరీ వ్యాపారం చేస్తున్నానని, గతంలో తన దుకాణంలో లక్షల రూపాయల బహుమతులు గెలుచుకున్నారని, అయితే కోటి రూపాయల బహుమతి రావడం ఇదే తొలిసారని స్టాల్ నిర్వాహకుడు నరేశ్‌ మోంగా ఆనందం వ్యక్తం చేశారు.
వివరాల్లోకి వెళితే.. కోట్‌కపురాకు చెందిన బిమ్లా దేవి భర్త ఓ దినసరి కూలీ. ఆయన సంపాదనతోనే వారి కుటుంబం గడుస్తోంది. ఇటీవల బిమ్లా దేవి తన పిల్లల కోసం బట్టలు కొనేందుకు మార్కెట్‌కు వెళ్లారు. ఆ సమయంలో రైల్వే రోడ్డులోని రైల్వే స్టేషన్ సమీపంలో ఉన్న స్టార్ లాటరీ స్టాల్ వద్ద సరదాగా ఓ టికెట్ కొనుగోలు చేశారు. సిక్కిం ప్రభుత్వం నిర్వహించే ఈ లాటరీకి ఆమె పెట్టింది కేవలం 7 రూపాయలే. ఆ టికెట్ తన జీవితాన్నే మార్చేస్తుందని ఆమె ఊహించలేదు.
మరుసటి రోజు లాటరీ ఫలితాలు వెలువడ్డాయి. బిమ్లా దేవికి కోటి రూపాయల బహుమతి తగిలిందని లాటరీ స్టాల్ నిర్వాహకుడు నరేశ్‌ మోంగా స్వయంగా ఫోన్ చేసి శుభవార్త చెప్పారు. ఈ వార్త విన్న ఆ కుటుంబం ఆనందంతో ఉబ్బితబ్బిబ్బైంది. వెంటనే లాటరీ స్టాల్ వద్దకు పరుగెత్తుకెళ్లారు. అక్కడ నరేశ్‌ వారికి స్వీట్లు తినిపించి సంబరాలు జరిపారు. కుటుంబ సభ్యులు ఆనందంతో భాంగ్రా నృత్యం చేస్తూ తమ సంతోషాన్ని పంచుకున్నారు.
ఈ గెలుపు తమ జీవితంలో కొత్త ఆశలు నింపిందని బిమ్లా దేవి ఆనందం వ్యక్తం చేశారు. కూలీగా వచ్చే సంపాదనతో ఇల్లు గడవడం చాలా కష్టంగా ఉండేదని, ఆర్థిక ఇబ్బందులతో సతమతమయ్యామని ఆమె తెలిపారు. ఈ డబ్బు తమ పిల్లల భవిష్యత్తుకు గొప్ప భరోసా ఇస్తుందని చెప్పారు. గెలిచిన డబ్బుతో ఏం చేయాలనే దానిపై ఇంకా పూర్తి నిర్ణయం తీసుకోలేదని, కుటుంబ సభ్యులతో చర్చించి తమ ఆర్థిక పరిస్థితిని మెరుగుపర్చుకునేందుకు ఏదైనా చిన్న వ్యాపారం ప్రారంభించాలని ఆలోచిస్తున్నట్లు వివరించారు.
గత ఆరు నెలలుగా ఈ లాటరీ వ్యాపారం చేస్తున్నానని, గతంలో తన దుకాణంలో లక్షల రూపాయల బహుమతులు గెలుచుకున్నారని, అయితే కోటి రూపాయల బహుమతి రావడం ఇదే తొలిసారని స్టాల్ నిర్వాహకుడు నరేశ్‌ మోంగా ఆనందం వ్యక్తం చేశారు.
