భారత్‌తో క్రైస్ట్‌చర్చ్ వేదికగా జరుగుతున్న తొలి మ్యాచ్‌లో టాస్ ఓడి బ్యాటింగ్‌కు దిగిన కివీస్, నిర్ణీత 20 ఓవర్లలో 4 వికెట్ల నష్టానికి 225 పరుగుల భారీ స్కోరు చేసింది. త‌ద్వారా ఈ మ్యాచ్ గెలవాలంటే టీమిండియాకు 226 పరుగుల భారీ ల‌క్ష్యాన్ని నిర్దేశించింది.

కివీస్ ఇన్నింగ్స్‌లో మిడిలార్డర్ బ్యాటర్ గ్లెన్ ఫిలిప్స్ ఆకాశమే హద్దుగా చెలరేగాడు. కేవలం 40 బంతుల్లోనే 82 పరుగులు చేసి నాటౌట్‌గా నిలిచాడు. అతనికి తోడుగా ఓపెనర్ ఫిన్ అలెన్ 24 బంతుల్లో 45 పరుగులతో మెరుపు ఆరంభాన్ని ఇచ్చాడు. డారిల్ మిచెల్ కూడా 28 పరుగులు చేసి తన వంతు సహకారం అందించాడు. చివర్లో బెవాన్ జాకబ్స్ వేగం ఆడుతూ, 16 బంతుల్లో 3 సిక్సర్లతో 31 పరుగులు చేశాడు. వీరి దూకుడైన ఆటతో న్యూజిలాండ్ భారీ స్కోరును నమోదు చేసింది.

అంతకుముందు టాస్ గెలిచిన భారత కెప్టెన్ శ్రేయస్ అయ్యర్ ఫీల్డింగ్ ఎంచుకున్నాడు. భారత బౌలర్లలో అర్ష్‌దీప్ సింగ్, అక్షర్ పటేల్, మయాంక్ యాదవ్ తలో వికెట్ పడగొట్టారు. అయితే, కివీస్ బ్యాటర్లు దూకుడుగా ఆడటంతో భారత బౌలర్లు పరుగులు కట్టడి చేయడంలో విఫలమయ్యారు.